Coñecendo a Escarlatina, a cociñeira defunta

Pero que ben o estamos a pasar con este Román e con Escarlatina, verdade? E a de novas receitas que estamos a aprender... Xa estamos a piques de rematar a lectura desta entretida e divertida historia. Pero quédannos mois bos recordos destes encontros. Mirade, mirade...

 

A pizza de preguntas, por certo, deliciosa. Demos boa conta dela...



'Mecanoscrito da segunda orixe', de Manuel de Pedrolo (1)

Hoxe xuntámonos xa por segunda vez na biblioteca do centro para charlar sobre o libro que temos entre mans, 'Mecanoscrito da segunda orixe'. Trala entrega na primeira sesión das libretas de notas e os correspondentes exemplares do libro, de falar un pouco do autor e expoñer entre todos, coa axuda de imáxenes, o que entendemos por ciencia-ficción, nesta segunda xuntanza analizamos os dous primeiros cadernos: o Caderno da destrucción e da salvación e o Caderno do medo e do estrano. Lástima do pouco tempo co que contamos porque a historia de Alba, a valente protagonista, e de Dídac, necesita unha análise máis polo muido que veremos de facer en sucesivas reunións. 

Agora, o Caderno da saída e da conservación e o Caderno da viaxe e do amor agardan por nós.

Para aqueles de vos que pasades polo blog e nos líchedes esta novela deixámosvos a sinopsis, por se vos animades,

" 'Mecanoscrito da segunda orixe' conta a historia de Alba e Dídac, dous rapaces que sobreviven a unha catástrofe que fai do mundo un lugar desolado e infernal. Desde o espanto dos primeiros momentos, a parella irá evoluíndo e adaptándose ao novo contorno ata facer do amor o acontecemento central das súas vidas."

Aqueles de vos que queirades ir deixando as vosas opinións sobre o libro, sexades ou non membros deste Club, xa sabedes que estaremos encantados de que compartades con nós as vosas impresións. Eso sí, no deades información que poida estragar a lectura aos que aínda non remataron o libro. Grazas polas vosas aportacións. O blog aliméntase dos vosos comentarios...

Boa semana e boas lecturas!!

'O can dos Barkerville', de Arthur Conan Doyle

Pois si, amig@s, xa temos un cadáver agardando a que Sherlock Holmes faga as súas pesquisas. O intelixente detective e o seu leal amigo, o doutor Watson, son requeridos para investigar a morte, un tanto estraña de . Un pantano, un perigoso e misterioso can, unha herdanza... e nós xunto cos protagonistas intentando resolver o crimen. Contamos, como Holmes, cunha lupa, coas dotes de observación e... coa nosa intelixencia, verdade? 

Falamos  nesta segunda xuntaza do acontecido nos cinco primeiros capítulos. Vamos xa cos cinco seguintes para a próxima semana. Como estivemos vendo, o plantexamento do problema está xa feito: que sucedeu, onde, a quen,...; agora vamos co nudo, coa acción 'in situ'. Holmes trasládase dende a súa casa en Londres ata a  mansión dos Barkerville para levar a cabo de modo preciso, sen perder detalle, as pesquisas que lle leven a resolución do caso. Pero aínda hai moito que investigar ata daquela... 

Deixamos a sinopsis para quen non pertenza ó Club e non coñeza aínda a historia. Ó mellor anímase a ler o libro, quen sabe?

" 'O can dos Baskerville' é unha nova aventura de Sherlock Holmes na que o enigma, o elemento central da historia, presenta características realmente interesantes, porque ó feito criminal vén a sumárselle unha maldición, unha lenda familiar, que envolve todo nun ambiente misterioso e fantástico. O gradual desenvolvemento da acción vai levando cara a unha explicación sobrenatural dos feitos, ata que finalmente o labor do detective conclúe coa explicación natural e lóxica do crime e de toda a cadea de pequenas incógnitas que se nos foron presentando..."

Despedímonos xa ata a próxima xuntanza, a terceira xa, pero antes queremos recordarvos que será un placer, para nós e para todo o que se pase polo blog, poder ler os vosos comentarios. Así que non sexades tímidos e ide deixándonos aquí as vosas impresións do que ides lendo... Grazas!

Boa semana e boas lecturas!!

Volta ó club!!

                    

                                                        

                                                                                                                    

Comenzamos un novo curso escolar e con el o noso Club de lectura ponse de novo en marcha. Este ano ademais coa particularidade de que celebraremos sesións distintas, con diferentes lecturas, para o alumnado de 1° e 2° ESO e para os de 3° e 4°. Por sorte, somos moitos @s lectour@s e é mellor organizarnos así. 

Os primeiros libros cos que empezaremos son 'O can dos Barkerville', de Sir Arthur Conan Doyle, e 'Mecanoscrito da segunda orixe', de Manuel de Pedrolo. Aventuras e misterio por un lado, da man de Sherlock Holmes e o seu inseparable Watson, e engaiolante ciencia-ficción polo outro. 

Boas historias que de seguro nos depararán moi gratas horas de lectura.

A por elas!!

Achégase unha nova lectura ao Club...

 

Ide familiarizándovos con esta portada. 'Intercambio  con un inglés' vainos proporcionar, xa veredes, moi bos e entretidos ratos de lectura...

 

Deica pronto, lectour@s!

 

'Chamádeme Simbad', de Francisco Castro

 

Hola a tod@s!

 

A pasada semana demos por finalizada a lectura de 'Chamádeme Simbad', un libro que gustou e moito. Esperamos que compartades aquí as vosas impresión sobre a historia, algo dura pero moi tenra, de Paulo e o seu avó. Nós, entramentras, deixámosvos unhas fotos tomadas no Club de Lectura...

Na última sesión, como vedes, houbo na biblioteca o atraque dunha numerosa flota de barcos piratas, cada un co seu cargamento...

Ata a próxima lectura, lectour@s!

A por outra lectura: Chamádeme Simbad.

 O día 5 de febreiro presentamos a nosa nova lectura do club: Chamádeme Simbad.

Trátase dunha novela chea de tenrura e agarimo na que o protagonista, un neno de dez anos chamado Paulo, conta a relación tan especial que ten co seu avó. Ámbolos dous comparten xogos e un mundo de fantasía baseado no conto tradicional Simbad o Mariño e, grazas a eses xogos, Paulo será quen de atopar ao avó cando este desapareza unha noite...

O autor é Francisco Castro, profesor de Filosofía e escritor galego. Podedes encontrar información e incluso falar con el no seu blog A Canción do Náufrago (www.blogoteca.com/franciscocastro)

 Nesta primeira sesión achegámonos ao libro fixándonos na ilustración da súa portada. Houbo moitas opinións:  a bandeira pirata, as roupas orientais do neno, os mapas de mares antigos...E todo isto navegando enriba dun sofá. Logo, relacionamos as ilustracións co título da novela e alguén dixo que o protagonista está imaxinando contos que leu. Interesante suxestión! Miramos despois a sinopse argumental da tapa traseira do libro e xa fumos quen de prepararnos para empezar esta preciosa, emotiva e enriquecedora historia. Pois imos aló: para o próximo día falaremos dos tres primeiros capítulos.

Rematamos A chave da Atlántida.

O día 18 de decembro reunímonos para comentar os tres últimos capítulos de A chave da Atlántida. Canta emoción co final trepidante da historia de A0!
 

A Atlántida emerxeu nas Illas Cíes, pero só poderían  gobernala aqueles que tivesen a súa mente e corazón libres de ambicións e intereses. Así, só Eva, Fran e A0 se salvaron e  Hiperión e Blackwood desapareceron xunto coa Atlántida que volveu ocultarse outra vez.

Volverá aparecer? Non o sabemos, pero nós tivemos a nosa Atlántida especial na actividade que realizamos nesta xuntanza  que emerxeu en forma de cofre cun doce tesouro agochado no seu interior. Iso si, había que resolver varios enigmas para poder acceder a ela. Por grupos, os intrépidos e intrépidas lectour@s deberon unir as pezas de varios puzzles: vocabulario e definicións, personaxes e as súas descricións ou frases ditas por estes e responder a cuestións sobre o desenvolvemento da novela e localizalas ao longo da mesma. Todos os grupos foron expertos investigadores e puideron desfrutar do contido da nosa Atlántida: unha chea de lambetadas das que todos e todas demos boa conta.

Quedamos para a próxima reunión na que comezaremos unha nova lectura.

Na recta final.

Xa rematamos o capítulo IX. Recordade que  o próximo día  comentaremos desde o capítulo X ao XIII. Isto estase a poñer moi interesante!!!

A Fosa de Kermadec.

Por certo, recordades que os científicos do Proxecto Prometeo crearan o ser artificial a partir dos pergamiños atopados na Fosa de Kermadec? De novo temos outra referencia espacial real. Trátase dunha fosa oceánica moi profunda. Neste enlace atoparedes máis información

http://es.wikipedia.org/wiki/Fosa_de_Kermadec

Neste vídeo atoparedes  un sorprendente descubrimento que se produiciu no ano 2012 nesta fosa situada en Nova Zelandia: un crustáceo xigante!

 

A Pedra da Campá

 

A0, Eva e Fran van ata a Pedra da Campá. Aí temos unha imaxe desta peculiar pedra situada nas Illas Cíes.

As Illas Cíes.

Eva e Fran viven en Vigo, moi preto das Illas Cíes. Este marabilloso espazo natural terá moito que ver no desenvolvemento da nosa novela...alguén de vós xa o mencionou na última reunión, pero coñecemos ben estas illas?
 

As Illas Cíes constitúen un arquipélago. En total son tres illas: a Illa de  Monteagudo,(N) a do medio ou Illa Do Faro e Illa de San Martiño (S).

Están situadas no Océano Atlantico a 14,5 km de Vigo apoximadamente.

Foron declaradas parque natural en 1980 e forman parte do Parque Nacional das Illas Atlánticas de Galicia desde o ano 2002.

En febreiro de 2007 o xornal británico The Guardian nomeou á Praia de Rodas, que une dúas das illas, como a mellor praia do mundo.

Avanzando na lectura.

Xa imos no capítulo IX e coñecemos máis sobre o misterioso protagonista, un ser humano artificial coa apariencia dun adolescente de doce anos!

 

Recordades como se chamaba o proxecto que lle deu vida? Tiña o mesmo nome ca un titán da mitoloxía grega: Prometeo. Na páxina 20 dise: " Por aqueles tempos traballaban xuntos no mesmo equipo de investigación, incluso fora el quen suxerira os nomes do seu cuñado e a súa irmá para o proxecto Prometeo".

 Ademais do que comentamos na reunión do clube, aí vos deixo  un vídeo para coñecer mellor ese mito da antigüidade clásica: a historia de Prometeo.

 

http://www.youtube.com/watch?v=JsTXfgDjAdA



A lenda da Atlántida.

 Neste vídeo de National Geografic podedes obter información sobre o mito da Atlántida.

Primeira lectura do noso club para este curso 2013-14.

'A CHAVE DA ATLÁNTIDA'. É unha novela de ciencia ficción na que se mestura a mitoloxía clásica  da antigüidade coa biotecnoloxía e a robótica do futuro. O seu autor é Anxo Fariña, escritor e ilustrador galego que foi galardoado co premio Merlín por esta novela, da que tamén é o seu ilustrador.