Ensinámosvos os pasaportes lectores deste curso. Como en cursos anteriores, son dous, un xeral, no que o alumnado pode anotar todos os libros lidos ao longo do ano, e outro temático, onde se fai un itinerario lector e poderán incluírse libros relacionados co PDI de centro, A fantasía.
.png)
O pasado xoves, 22 de outubro, realizouse unha formación para o alumnado voluntario da biblioteca. Explicóuselles o funcionamento da biblioteca, as normas, a distribución dos espazos e a colocación de fondos, funcionamento. A maiores que ao resto de alumnado do centro, a eles e a elas ensinóuselles a manexar o Meiga, para que poidan realizar empréstitos e devolucións e axudar así ao profesorado de garda.
Como novidade, este curso ponse en funcionamento a Aula de xogos que estará aberta dous recreos á semana e será vixiada polo alumnado voluntario, polo que se lles explicaron as normas da mesma, a organización e distribución dos materiais da mesma.
O pasado venres, 23 de outubro, celebramos o Día das Bibliotecas na nosa biblioteca. Fixémolo, como xa vai sendo habitual, coa formación de usuarios, explicando as normas de uso e funcionamento, a distribución dos espazos e organización da mesma, e presentando o PDI de centro para este curso "A fantasía". Repartíronse os pasaportes lectores deste curso, un xeral e outro temático, explicándose tamén as normas para entregalos debidamente cumplimentados.
Así mesmo, alumnado voluntario da biblioteca fixo entrega das mochilas viaxeiras ao alumnado de Infantil e Primaria que lle corresponde iniciar a andaina das mesmas.
Este curso, como novidade, presentouse un novo espazo habilitado para o tempo de lecer do alumnado, a "Aula de xogos", dentro da iniciativa "Patios inclusivos". Así, explicáronse tamén as normas de uso da mesma, os días de apertura e o material que o alumnado vai ter á súa disposición. Esperamos que gocen e coiden moito deste espazo!
.jpg)
Queremos despedir este curso, no que a música foi a protagonista, con unhas recomendacións lectoras para este verán. Agardamos que teñades unhas moi boas vacacións, unhs felices lecturas e vémonos en setembro!
Na aula de 4º de Infantil, un bo día de outubro, saiu para as casas a Mochila Viaxeira e a partir dese momento a colaboración e implicación das familias foi tal que deu lugar á creación dunha bonita exposición, a varias actuacións así como ao coñecemento de moitos instrumentos populares da tradición galega e outros. Moitas grazas ás familias pola colaboración!
As familias do alumnado de 6º de infantil realizaron varios obradoiros co alumnado da aula.
Varias familias levaron a cabo obradoiros de elaboración
de instrumentos con materiais de refugallo: castañolas, frauta, guitarra,
tambor.
Outra familia levou a cabo unha explicación das distintas partes dunha batería e, de seguido, un obradoiro para a elaboración dun squishy decorado
cunha batería.
No caso da familia de Alma, a primeira parte do obradoiro consistiu nunha explicación detallada das partes dunha gaita: o punteiro,
o roncón, o fol. A continuación, gozaron coa súa música interpretada polo pai,
incluso bailamos algunha peza, e a súa irmá acompañouno nalgunha peza musical
coa pandeireta.
Para rematar a actividade, pasaron á parte práctica co
obradoiro de construción de instrumentos. Con materiais tan sinxelos como unhas
pallas, onde cada neno e nena fabricou a súa propia frauta.
