Día das bibliotecas

 O pasado xoves, 24 de outubro, celebrouse o Día das bibliotecas e, como xa vén sendo tradicional, esa é a data elixida para inaugurar o curso na nosa biblioteca. Fixemos a presentación do proxecto elixido para este curso, A historia, repartimos os pasaportes lectores e o alumnado voluntario fixo entrega das mochilas viaxeiras que comezarán a facer o seu percorrido polas casas. Unha fermosa maneira de celebrar este día tan especial para todas as bibliotecas, así que xa o sabedes, agardámosvos na biblio!

Día da Terra

  No Día da Terra, os alumnos e alumnas de 4º de primaria, inspirados no libro da Mochila Viaxeira "Plasticus Maritimus", representaron unha problemática moi actual e incluso descoñecida. Estes bonecos mariños gardan no seu interior unha sorpresa moi desagradable... Plástico! Con isto queren crear conciencia sobre a importancia de reducir e reciclar o plástico para que non remate no chan e, en último lugar, no mar, causando a morte de moitos animais que confunden o plástico co alimento. Xa sabedes, reduce, recicla e reutiliza! Eco-TOURíza-TE!

AS BOLSAS E MOCHILAS VIAXEIRAS XA DE VOLTA

Longa e entretida foi a viaxe destas saquiñas de libros e diversión. Agora tócalles descansar para comezar de novo o seu percorrido o vindeiro curso.

4 membros do voluntariado foron os encargados de darlles a benvida de novo á biblioteca!

MOCHILAS VIAXEIRAS EN MARCHA!

As mochilas viaxeiras puxéronse xa en marcha!! E fixo a entrega, como ten que ser, alumnado voluntario... 

Boa viaxe e boas lecturas!!

CHEGADA DAS BOLSAS E MOCHILAS VIAXEIRAS

Temos aquí as imaxes do alumnado co que remataron a súa longa viaxe as mochilas e as bolsas viaxeiras, e co alumnado voluntario dando fe da chegada. E veñen as bolsas e mochilas cargadas de recordos, de imaxes, de momentos vividos en familia,... na libretiña que acompañou aos libros no seus percorridos.

Benvidas, mochilas e bolsas! Agora tócavos descansar. O ano que ven emprenderedes unha nova viaxe… 

Mochilas viaxeiras en marcha!

As mochilas viaxeiras comenzaron hoxe a súa ruta polas casas do noso alumnado de 1º, 2º, 3º e 4º de Primaria. Cheíñas van de libros variados en temática e xénero para que cada familia poda ler, gozar, SENTIR as lecturas durante toda unha semana. E tras o longo percorrido das mochilas agardamos con ilusión as vosas imaxes, comentarios e aportacións que queirades facernos nas libretas que se inclúen. 

Comenza a viaxe!!

Boas lecturas!! 

As mochilas viaxeiras xa están de volta...

E máis cousas que pasan por aquí...

Esta semana chegaron de volta á biblioteca as 'mochilas viaxeiras'. E qué pracer ver as imaxes e ler as impresións sobre os libros "viaxeiros" que nos deixaron os rapaces e rapazas de 1º, 2º e 3º de Primaria nas libretas. Viaxaron moito estas mochilas e estiveron en moi moi boa compaña... E ademáis viñeron con unhas preciosas máscaras que gardaremos con moito cariño na biblioteca.