Como xa vén sendo tradición, o Día de Rosalía tamén se celebrou no comedor. Ese día, e grazas ao bo facer do persoal de cociña e da encargada de comedor, puidemos gozar dun rico caldo de gloria, así como dunha sobremesa especial, a torta de Rosalía. Ademais, cada comensal atopou no seu prato un marcador cun poema de Rosalía. Unha tradición que nos encanta manter.
Feliz Día de Rosalía!
A pasada semana celebramos o Día de Rosalía. Seguindo as propostas da Asociación de Escritoras e Escritores en Lingua Galega, animamos a cada titoría a elixir un poema de Rosalía e gravar un vídeo recitando dito poema. Ao longo da semana fóronse subindo algúns deles ás redes sociais da biblioteca e ás do EDL baixo o lema proposto pola AELG, #maiselestamenperdidos, pero agora recompilámolos todos aquí para que poidades gozar deles. Todos os cursos fixeron un gran traballo, polo que non podemos máis de que dar os parabéns e as grazas a todos e a todas por participar!
O pasado martes, 25 de febreiro, celebramos no noso cole o Día de Rosalía. Fixémolo, como xa é tradición gozando dun Caldo de Gloria e unha torta de aniversario no comedor. O menú ía acompañado dun marcapáxinas cun poema da autora que se agasallou a toda a comunidade educativa. Agradecemos dun xeito moi especial ao persoal de cociña e á encargada de comedor a súa colaboración para facer isto posible.
O 23 de febreiro celebrouse o Día de Rosalía de Castro e foron varias as actividades que se levaron a cabo no noso centro para lembrar esa data tan sinalada. O día anterior, no comedor, gozamos, como xa vén sendo tradicional, do caldo de gloria e da torta de aniversario. Así mesmo, agasallamos á comunidade educativa cun marcador de libros coa imaxe e as verbas de Rosalía.
.jpg)
.jpg)
.jpg)
.jpg)
.jpg)
Un ano máis, celebramos o Día de Rosalía! Gozamos no comedor do, xa tradicional, caldo de gloria (acompañado dun marca-páxinas co poema e unha imaxe de Rosalía agasallo do centro) así como da torta de Rosalía.
