LECTOUR@S : Muller

CONTACONTOS E MOITAS RISAS

Que ben o pasou onte o alumnado de Infantil e Primaria no contacontos. Un pracer escoitar como participaban e se rían a esgalla...

8 DE MARZO. DÍA DA MULLER.

CON LETRA DE MULLER - Unhas en pixama, outros con mandil e gorros varios anticipando o Entroido pero preparándonos xa para o 8 de marzo, o Día da Muller...

BIOGRAFÍAS - A muller segue sendo a protagonista no noso centro. O alumnado de 3° e 4° de Primaria traballou moito e ben nas biografías de mulleres relevantes. É nós, co gallo do 8 de marzo, expuxémolas na biblioteca para ser lidas por todas e todos.

CHARLA E EXPOSICIÓN SOBRE OS XENERAIS DA ULLA

Interesantísima a exposición e moi amena charla a de Iria sobre os Xenerais da Ulla con Sheila e Uxía, de 1º e 3º da ESO, vestidas para a ocasión...

Arriba as xeneralas!!

GRAN CONCURSO 'MULLERES ESTRELA'

BASES:

1. Haberá dúas árbores cheas de estrelas adornando o colexio neste Nadal. Unha no primeiro andar e outra na entrada da biblioteca. Nunha árbore poderanse ler os nomes de 36 mulleres e na outra verse fotografías delas. O concurso consistirá en relacionar os nomes coas imaxes.

2. Pode participar todo o alumnado de Primaria e Secundaria.

3. Quen queira participar deberá coller unha papeleta na biblioteca e poñer ao lado de cada nome de muller o número da árbore fotográfica que lle corresponda.

4. Cada alumno ou alumna só poderá participar cunha papeleta.

5. As papeletas deberán depositarse na urna habilitada na biblioteca e a data límite para participar será o xoves 13 de decembro.

6. Haberá catro premios: un premio para 1º/2º/3º Primaria; outro para 4º/5/6º de Primaria; outro para 1º/2º ESO e un cuarto premio para 3º/4º ESO.

7. O venres 21 farase entrega dos Premios ao alumnado gañador. Se houbera varios acertantes de cada categoría, farase un sorteo.

8. O premio consistirá nun libro dunha autora recoñecida e algún outro agasallo.

RESULTADO DAS VOTACIÓNS DO 19 DE NOVEMBRO

Estes son os resultados das votacións realizadas a pasada semana para celebrar o cabodano do voto da muller e visualizar a figura de Clara Campoamor, a muller que o fixo posible.

Interesantes resultados...

GRAN CONCURSO 'POESÍA PARA UN NADAL'

CONCURSO DE POESÍA

ALUMNADO DE PRIMARIA E SECUNDARIA

Co gallo da celebración do Nadal propoñémosvos desde a Biblioteca un Concurso de Poesía para todo alumnado de Primaria e Secundaria.

BASES:

1. As poesías ou poemas terán unha extensión libre, con calquera número de versos e rima ou verso libre (sen rima).

2. O tema dos poemas terá obrigatoriamente que facer referencia ao NADAL e deberá incluir a palabra MULLER.

3. As poesías entregaranse na biblioteca nun folio co nome, apelidos e curso do alumno ou alumna (escritos por detrás da poesía).

4. A data límite de entrega será o xoves 13 de decembro.

5. O xurado valorará en cada poema a musicalidade, a orixinalidade e o ton poético.

6. O venres 21 farase entrega dos Premios ao alumnado gañador de Primaria e de Secundaria.

7. Haberá un premio para 1º/2º/3º Primaria; outro para 4º/5/6º de Primaria; outro para 1º/2º ESO e un cuarto premio para 3º/4º ESO.

8. O premio consistirá nun libro e outros agasallos.

9. Todas as obras recibidas exporanse na biblioteca e publicaranse nas redes sociais e no blog da mesma. Algunhas das obras gañadoras publicaranse ademais nas postais de Nadal do colexio.

VOTACIÓNS 19 DE NOVEMBRO

Esta mañá reivindicamos o labor de Clara Campoamor e a súa loita polo voto da muller. E fixémolo cunha votación na biblioteca. Mozas e mozos votando nun exercicio de democracia e igualdade.

Os maiores de 3º e 4º da ESO viron ademais a película-documental 'Clara Campoamor. Unha muller esquecida'. Porque é importante lembrar...

IDA VITALE, PREMIO CERVANTES 2018

E seguimos de noraboa. Máis mulleres recoñecidas no mundo das Letras. Neste caso, a poeta Ida Vitale que é a gañadora do Premio Cervantes 2018, algo así como o Premio Nobel español. Parabéns!!

Deixámosvos aquí un dos seus poemas, 'Fortuna'.

Por años, disfrutar del error

y de su enmienda,

haber podido hablar, caminar libre,

no existir mutilada,

no entrar o sí en iglesias,

leer, oír la música querida,

ser en la noche un ser como en el día.

No ser casada en un negocio,

medida en cabras,

sufrir gobierno de parientes

o legal lapidación.

No desfilar ya nunca

y no admitir palabras

que pongan en la sangre

limaduras de hierro.

Descubrir por ti misma

otro ser no previsto

en el puente de la mirada.

Ser humano y mujer, ni más ni menos.

'AS VOCES DA AUGA', DE ÁNXELA GRACIÁN

'As voces da auga', de Ánxela Gracián, é a novela gañadora da oitava edición dos Premios Meiga Moira. Pronto na nosa biblioteca...

Neses instantes, no interior do río, Li sentíase tan transparente coma o cristal. Entón, como polas noites antes de adormecer, podía escoitar de novo con nitidez as voces da auga, como unha chamada que non a enxordecía coa súa cantilena monótona de ave de paso, senón que lle infundía esa forza descoñecida das ondas que galopaban, propiciando que ela tamén formase parte dese mundo líquido e poderoso que, alí no fondo do val, se arrastraba lento coma unha búfala preñada0, porque era alí, precisamente naqueles remansos, onde a voz do río berraba arrastrando consigo tamén a fondura dos cavorcos da terra.

EXPO E VÍDEO 'CLARA CAMPOAMOR'

O vindeiro luns, 19 de novembro, fará 85 anos da primeira vez que as mulleres puidemos votar en España e neste #anodasmulleres non podíamos deixar pasar esta data. A muller que o fixo posible este voto universal foi a avogada e deputada Clara Campoamor.

Aproveitamos para facer unha pequena exposición de libros sobre a muller e sobre mulleres.

Pola mañán xa houbo uns cuantos e cuantas do alumnado que o intentaron, e ben que acertaban...

LECTOUR@S