Deica pronto, lectour@s!

 

Non foi malo, nada malo este ano no Club de lectura, a que non? Houbo, nas tres historias que compartimos, tenrura, algo de fantasía, aventura e viaxes, algún que outro enfado familiar (que quedou arranxado), risas, amizade, despedidas... Despedidas, por certo, como a que nós facemos hoxe dende aquí. Pero non é, nin moito menos, un adeus, é tan so un deica logo. No vindeiro curso volveremos a vernos e ler xuntos. @s de este ano e os novos amigos e amigos que se animen a acompañarnos. Virán moitas novas historias por contar. 

 

E non esquenzades á nosa amiga, a lectura, nestas vacacións... 

 

 

 

 

'Intercambio con un inglés', de Christine Nöstlinger

 

A lectura de 'Intercambio con un inglés' veu chea de sorpresas. Ademáis da entretida e engailonte historia que nos conta a su autora, Christine Nöstlinger, a presentación e actividades tiveron un toque moi British, xa me entendedes... 

 

Un placer ler xuntos as aventuras deste inglés un tanto peculiar, que ía de duro e ao final... Bueno, bueno, non vamos contar nada por se nos visita alguén que aínda non o liu. Todos poidemos aprender del e da súa familia de acollida ese verán.  Porque lemos e rimos e divertímonos pero tamén aprendemos das relacións familiares e persoais, a veces complicadas, dos vínculos de amizade e algo, tamén é verdade, non?, das relacións, digamos, románticas...

 

A derradeira lectura deste ano resultou todo un éxito! Gracias a vos, por suposto.

Achégase unha nova lectura ao Club...

 

Ide familiarizándovos con esta portada. 'Intercambio  con un inglés' vainos proporcionar, xa veredes, moi bos e entretidos ratos de lectura...

 

Deica pronto, lectour@s!

 

'Chamádeme Simbad', de Francisco Castro

 

Hola a tod@s!

 

A pasada semana demos por finalizada a lectura de 'Chamádeme Simbad', un libro que gustou e moito. Esperamos que compartades aquí as vosas impresión sobre a historia, algo dura pero moi tenra, de Paulo e o seu avó. Nós, entramentras, deixámosvos unhas fotos tomadas no Club de Lectura...

Na última sesión, como vedes, houbo na biblioteca o atraque dunha numerosa flota de barcos piratas, cada un co seu cargamento...

Ata a próxima lectura, lectour@s!

A por outra lectura: Chamádeme Simbad.

 O día 5 de febreiro presentamos a nosa nova lectura do club: Chamádeme Simbad.

Trátase dunha novela chea de tenrura e agarimo na que o protagonista, un neno de dez anos chamado Paulo, conta a relación tan especial que ten co seu avó. Ámbolos dous comparten xogos e un mundo de fantasía baseado no conto tradicional Simbad o Mariño e, grazas a eses xogos, Paulo será quen de atopar ao avó cando este desapareza unha noite...

O autor é Francisco Castro, profesor de Filosofía e escritor galego. Podedes encontrar información e incluso falar con el no seu blog A Canción do Náufrago (www.blogoteca.com/franciscocastro)

 Nesta primeira sesión achegámonos ao libro fixándonos na ilustración da súa portada. Houbo moitas opinións:  a bandeira pirata, as roupas orientais do neno, os mapas de mares antigos...E todo isto navegando enriba dun sofá. Logo, relacionamos as ilustracións co título da novela e alguén dixo que o protagonista está imaxinando contos que leu. Interesante suxestión! Miramos despois a sinopse argumental da tapa traseira do libro e xa fumos quen de prepararnos para empezar esta preciosa, emotiva e enriquecedora historia. Pois imos aló: para o próximo día falaremos dos tres primeiros capítulos.

Diplomas para todos e todas!

O día 29 de xaneiro foi un día especial para os nosos e as nosas lectour@s, pois tras rematar con éxito o cuestionario sobre a lectura de A chave da Atlántida, foron galardoados con diplomas aos mellores lectour@as do trimestre e aos lectour@s máis participativos, participativas e constantes.

Noraboa!

Rematamos A chave da Atlántida.

O día 18 de decembro reunímonos para comentar os tres últimos capítulos de A chave da Atlántida. Canta emoción co final trepidante da historia de A0!
 

A Atlántida emerxeu nas Illas Cíes, pero só poderían  gobernala aqueles que tivesen a súa mente e corazón libres de ambicións e intereses. Así, só Eva, Fran e A0 se salvaron e  Hiperión e Blackwood desapareceron xunto coa Atlántida que volveu ocultarse outra vez.

Volverá aparecer? Non o sabemos, pero nós tivemos a nosa Atlántida especial na actividade que realizamos nesta xuntanza  que emerxeu en forma de cofre cun doce tesouro agochado no seu interior. Iso si, había que resolver varios enigmas para poder acceder a ela. Por grupos, os intrépidos e intrépidas lectour@s deberon unir as pezas de varios puzzles: vocabulario e definicións, personaxes e as súas descricións ou frases ditas por estes e responder a cuestións sobre o desenvolvemento da novela e localizalas ao longo da mesma. Todos os grupos foron expertos investigadores e puideron desfrutar do contido da nosa Atlántida: unha chea de lambetadas das que todos e todas demos boa conta.

Quedamos para a próxima reunión na que comezaremos unha nova lectura.

Na recta final.

Xa rematamos o capítulo IX. Recordade que  o próximo día  comentaremos desde o capítulo X ao XIII. Isto estase a poñer moi interesante!!!

A Fosa de Kermadec.

Por certo, recordades que os científicos do Proxecto Prometeo crearan o ser artificial a partir dos pergamiños atopados na Fosa de Kermadec? De novo temos outra referencia espacial real. Trátase dunha fosa oceánica moi profunda. Neste enlace atoparedes máis información

http://es.wikipedia.org/wiki/Fosa_de_Kermadec

Neste vídeo atoparedes  un sorprendente descubrimento que se produiciu no ano 2012 nesta fosa situada en Nova Zelandia: un crustáceo xigante!

 

A Pedra da Campá

 

A0, Eva e Fran van ata a Pedra da Campá. Aí temos unha imaxe desta peculiar pedra situada nas Illas Cíes.

As Illas Cíes.

Eva e Fran viven en Vigo, moi preto das Illas Cíes. Este marabilloso espazo natural terá moito que ver no desenvolvemento da nosa novela...alguén de vós xa o mencionou na última reunión, pero coñecemos ben estas illas?
 

As Illas Cíes constitúen un arquipélago. En total son tres illas: a Illa de  Monteagudo,(N) a do medio ou Illa Do Faro e Illa de San Martiño (S).

Están situadas no Océano Atlantico a 14,5 km de Vigo apoximadamente.

Foron declaradas parque natural en 1980 e forman parte do Parque Nacional das Illas Atlánticas de Galicia desde o ano 2002.

En febreiro de 2007 o xornal británico The Guardian nomeou á Praia de Rodas, que une dúas das illas, como a mellor praia do mundo.

Avanzando na lectura.

Xa imos no capítulo IX e coñecemos máis sobre o misterioso protagonista, un ser humano artificial coa apariencia dun adolescente de doce anos!

 

Recordades como se chamaba o proxecto que lle deu vida? Tiña o mesmo nome ca un titán da mitoloxía grega: Prometeo. Na páxina 20 dise: " Por aqueles tempos traballaban xuntos no mesmo equipo de investigación, incluso fora el quen suxerira os nomes do seu cuñado e a súa irmá para o proxecto Prometeo".

 Ademais do que comentamos na reunión do clube, aí vos deixo  un vídeo para coñecer mellor ese mito da antigüidade clásica: a historia de Prometeo.

 

http://www.youtube.com/watch?v=JsTXfgDjAdA



A lenda da Atlántida.

 Neste vídeo de National Geografic podedes obter información sobre o mito da Atlántida.

Inauguración do club.

 Hoxe, día 6 de novembro,  tivo lugar a primeira reunión do club de lectura. Os profes do club estamos encantados coa acollida. Somos moitos e moitas os que temos gañas de comezar a lectura de A chave da Atlántida: trinta rapaces e rapazas de 1º e 2º de ESO e seis profesores e profesoras. De seguir así, seguro que os de 2º ciclo vanse animar máis para o ano que vén.

Nesta sesión inicial fixemos a presentación da nosa primeira lectura e xa todas e todos temos o noso caderniño do club para poder facer  apuntamentos, recoller aquelas frases especiais que non queiramos esquecer, as reflexións que queiramos compartir co grupo ou simplemente escribir aquilo que desexemos das nosas lecturas.

Tamén foron moi interesantes as reflexións feitas por todas e todos vós sobre os xéneros que máis vos gustan a partir dunhas fichas con fotos de libros que comentamos.

E, como non, para comezar con moitas ganas que mellor que unhas lambetadiñas!   

Así que non vos esquezades: o próximo mércores vémonos para comentar o capítulo 1.

Biografía do autor: Anxo Fariña.

 


 Anxo Xabier Fariña Temprano naceu en Vigo no ano 1977. É licenciado en Belas Artes e destaca na súa faceta de escritor, deseñador e ilustrador de libros de literatura infantil e xuvenil.
 

Entre as súas obras máis coñecidas están a colección de Pelelliño ou dos Megatoxos.
 

Recibiu o premio Merlín no ano 2011 pola súa novela A chave da Atlántida e o premio Frei Martín Sarmiento na 3ª categoría no ano 2013 pola mesma obra.
 

Áínda que a maioría da súa obra está escrita en galego, tamén ten publicado algunha obra en castelán como Los Minicientíficos y Darwin.
 

Podedes consultar os seguintes enlaces para ver o seu blog e unha entrevista que lle fixeron cando gañou o premio Merlín.

http://centros.edu.xunta.es/ceipapedra/biblioteca/anxofarinha/anxo_farinhae.htm

http://www.youtube.com/watch?v=HDWUSntv5mI

Primeira lectura do noso club para este curso 2013-14.

'A CHAVE DA ATLÁNTIDA'. É unha novela de ciencia ficción na que se mestura a mitoloxía clásica  da antigüidade coa biotecnoloxía e a robótica do futuro. O seu autor é Anxo Fariña, escritor e ilustrador galego que foi galardoado co premio Merlín por esta novela, da que tamén é o seu ilustrador.



 



Benvida ao noso Club de lectura Lectour@s.

A nosa primeira xuntanza deste curso 2013- 14 será o mércores día 6 de novembro. Onde imos reunirnos? Sen dúbida non pode haber outro lugar mellor que  a nosa biblioteca. Alí quedaremos cada semana para comentar o que se vai acordando ler en cada reunión e tamén para expresar as nosas opinións sobre o lido, sempre nun clima de respecto e de compañeirismo.

Por outra banda, este blog servirá como punto de encontro para os membros do club e para todos e todas os que queirades deixar as vosas opinións sobre lecturas, expresar os vosos gustos literarios, comentar obras que lestes e que vos gustaron ou facer recomendacións.

Ademais, iremos colgando información relevante sobre as obras que temos previstas ler e tamén enlaces sobre temas de interese que se relacionen co argumento das mesmas.

Así que moito ánimo e a desfrutar do placer de ler!