Hoxe queremos compartir con vós os pasaportes lectores deste curso. Dende hai uns anos temos dous pasaportes, un no que se anotan todas as lecturas que se levan a cabo ao longo de todo o curso e outro temático, no que se consignan só libros relacionados co PDI de centro, este ano A música.
Lembrade que podedes cubrir os vosos pasaportes e entregalos na biblio ata o mes de abril, así que agardámosvos na biblio con moitas suxerencias de lecturas!
O Día das bibliotecas fixemos entrega dos pasaportes lectores. Este curso, como o curso pasado, foron dous os creados, un xeral, para anotar todos os libros lidos ao longo do curso e outro temático, para anotar todos os libros lidos, pero relacionados co proxecto do curso:"O bosque". Queremos compartir os dous modelos, por si os necesitades. Tamén os podedes atopar na biblio, así que xa sabedes, agardámosvos!
Pasaporte lector
.png)
O pasado 25 de outubro celebramos o Día das bibliotecas na nosa biblio. Fixémolo facendo entrega dos pasaportes lectores, recordando as normas de funcionamento, presentando o noso proxecto para o curso "O bosque" e facendo entrega das mochilas viaxeiras. Alumnas voluntarias foron as encardadas de facer entrega das mochilas ao alumnado de infantil e primaria que levarán as mochilas esta semana.
Comezamos así as actividades da biblio para este curso!
Xa sabedes, agardámosvos na biblio e xa vos deixamos as primeiras recomendacións!
O venres 21 de outubro celebramos o Día da Bibliotecas. Aínda que xa levamos abertos un par de semanas, despois de facer a xornada de formación co voluntariado, aproveitamos o Día das Bibliotecas para facer a inauguración oficial do curso. Presentamos o proxecto do curso, "O mar", repartimos os pasaportes lectores e fixemos entrega das mochilas e bolsas viaxeiras, coa colaboración do alumnado voluntario. Agardamos que gocedes moito coas lecturas e xa sabedes, vémonos na biblio!
