Letras Galegas 2026

 O pasado domingo celebrouse o Día das Letras Galegas e foron varias as actividades que se levaron a cabo para conmemorar esta data tan sinalada das nosas letras:

-Lecturas que nos axudaron a coñecer a Begoña Caamaño, así como as novas incorporacións a nosa Biblio.

-Vistas aos paneis con información sobre a autora.

-Elaboración, por parte do alumnado de 5° de Infantil dun flipbook (libro móbil ou interactivo). Esta ferramenta pedagóxica permitiu aos máis cativos achegarse á figura da homenaxeada, a xornalista e escritora Begoña Caamaño dun xeito lúdico.

Feliz día das Letras Galegas

Recital poético da Letras galegas

 Este curso, no que o Día das letras galegas estivo adicado a Luísa Villalta, decidimos convocar o I Recital poético das Letras galegas. O pasado mércores, 22 de maio, e como actividade para poñer fin ás actividades do "Mes das letras", xuntámonos no patio de Primaria todo o alumnado de Infantil, Primaria e Secundaria (salvo un par de cursos que ían de excursión) para o recitado. A selección poética estivo centrada, sobre todo, en fragamentos de obras de Luísa Villalta. Foi unha actividade moi fermosa e que esperamos repetir nos próximos anos.

 

Homenaxeando a Francisco Fernández del Riego

 O alumndo de Infantil realizou un fermoso mural e uns colgadoiros con información do autor homenaxeado este ano no Día das letras galegas. 

Por outra banda, o alumnado de 5º de primaria quixo celebrar o Día das letras cun rap composto e cantado por eles que lles quedou así de ben, agardamos que vos guste!

Rap de 5º de primaria

Exposición "Resistencia"

Con motivo da celebración do Día das letras galegas (que este ano homenaxea a Francisco Fenández del Riego, gran defensor da cultura galega) celebramos a exposición "Resistencia". Enviamos a todo o alumnado unha folla na que podían pegar fotos de elementos do patrimonio da súa aldea/parroquia, obxectos de oficios tradicionais ou imaxes relacionadas cos mesmos. Con todo o material montamos a exposición nos corredores do colexio e que poderá ser visitado ao longo de toda a semana das letras.

Apadriñamentos lectores

  Esta semana por fin se levaron a cabo os apadriñamentos lectores! Esta é unha das actividades do noso Mes das letras e comezámolos con motivo do Día do Libro, pero debido ao mal tempo, adiámolos ata esta semana, a semana das Letras. Foi unha xornada que disfrutaron tanto os nosos voluntarios e voluntarias, que foron os encargados de facer as lecturas, como o alumnado de Infantil, aos que leron. Foi unha xornada moi festiva e enriquecedora e que a todos lles gustaría repetir.

Mes das Letras

 Achégase o Día do Libro e son moitas as actividades que estamos a preparar con motivo desa celebración, polo que unirémolo ao Día das Letras Galegas para celebrar o Mes das Letras con propostas que saen do EB e do EDL. Entre esas actividades non poden faltar os nosos tradicionais apadriñamentos lectores, así como as entregas de premios dos pasaportes lectores e por fin coñeceremos o nome e o logo da nosa radio!

 Outra actividade, moi especial para nós, será a finalización do noso proxecto "Un nen@, unha árbore": o noso alumnado levará as súas árbores, plantaranas e enviarannos fotos da súa plantación, pero, así mesmo, e grazas á colaboración do Concello que nos cedeu unha parcela, faremos unha plantación de árbores por clase para recordar este fermoso proxecto.

Outras actividades serán a exposición "A volta ao mundo en 80 libros" na que contaremos con libros típicos, e non tan típicos, de distintos países. 

 Tamén tentaremos dar a "Volta ao mundo en imaxes", con fotos de distintos lugares proporcionadas polas familias. 

 As familias terán tamén un papel protagonista en outra das actividades que desenvolveremos e que nos quedou pendente o curso pasado. As familias que se animaron virán ao centro e contarannos as súas experiencias vivindo e viaxando polo mundo. Moi pronto contaremos máis sobre esta actividade que nos fai moita ilusión.

 Tamén, dende o EDL propóñennos participar na celebración dos Maios para o que se solicitará a todo o alumnado colaboración para a realización dun Maio con elementos da natureza tales como fiunchos, flores, xestas...

Así mesmo, este ano o Día das Letras Galegas esá adicado a Xela Arias e dende o EDL e do EB propuxemos as seguintes actividades:

-Para os cursos de Infantil e Primaria a proposta é ilustrar poemas do libro Darío a diario.

-Para a ESO a realización de vidopoemas sobre a poesía de Xela Arias.

 E para rematar a celebración do Mes das Letras contaremos, o 19 de maio, cunha visita moi especial, Eva Mejuto achegarase ao noso cole para falarnos do seu conto "Dez gatiñas viaxeiras".

 

Pouco a pouco iremos compartindo fotos de todas as actividades, moitas grazas pola vosa colaboración!

Pronto contaremos máis!