O alumnado de 6º de Infantil, coa axuda das mestras Lucía e Susana, fixo unha adaptación teatral da obra "O Grúfalo", de Julia Donaldson. Representárona para as súas familias e quixeron deixala gravada na radio para compartir con nós. Moitas grazas e parabéns por ese gran traballo!
Hoxe traémosvos un programa de radio moi especial. Alumnado de 4º da ESO, ante a súa despedida do centro onde compartiron vivencias durante 12 anos, fai un repaso polos seus anos de escolaridade, os mestres e mestras, profesores e profesoras, comedor e moitas cousas máis. Unha despedida moi especial, esperamos que vos vaia moi ben na nova etapa que comezades!
Hoxe queremos compartir con vós o programa de radio teatro elaborado polo alumnado do club de lectura Lectour@s. Despois da lectura da obra de teatro "O achado do castro" de Manuel Núñez Singala, o alumnado do club fixo unha adaptación do texto e eles mesmos gravaron o programa que agora vos compartimos. Esperamos que vos guste! Parabéns por ese gran traballo!
Alumnado de 4º da ESO levou a cabo un debate radiofónico sobre as vantaxes e saídas tanto do Bacharelato como de FP. Moi interesante, agardamos que vos guste!
Un grupo de alumnos de Secundaria realizou un programa de radio debatindo sobre a Intelixencia Artificial. Achegaron interesantes conclusións, recomendamos unha escoita moi atenta. Parabéns rapaces!
Intelixencia Artificial, inimiga ou aliada?
O alumnado de Proxecto Competencial de 2º e de 5º de Primaria realizou un programa para celebrar os 50 anos de historia do colexio. Para iso levaron a cabo varias entrevistas que recolleron no programa que vos compartimos a continuación. Entre os entrevistados e entrevistadas contamos con antigas alumnas, alumnas actuais, unha profesora, a directora ou a cociñeira. Agardamos que vos guste!
Programa de radio 50 aniversario
Con motivo da celebración do 50 aniversario do centro a radio instalouse na biblioteca, normalmente ten o seu propio espazo, e alumnado de 5º de Primaria realizou entrevistas a diferentes persoas que quixeron celebrar eses 50 anos de vida. Aquí vos deixamos as diferentes entrevistas, esperamos que as gocedes tanto coma nós.
Traémosvos agora un proxecto que levaron a cabo os alumnos e alumnas de 5º de Primaria.
Neste curso 24/25 o alumando de 5º de Primaria levou a cabo un fermoso
proxecto transversal e profundamente significativo para o propio alumnado! Este
proxecto materializouse finalmente nunha obra de teatro que titularon “A
revolta irmandiña” . Esta obra non só reviviu a memoria histórica das Revoltas
Irmandiñas desde unha perspectiva crítica e participativa, senón
que converteu a aprendizaxe nunha experiencia viva e transformadora. Aquí van
algunhas reflexións para destacar o valor do traballo:
1.
Aprendizaxe
multidisciplinar:
•
Historia: Comprender a loita social na Galicia medieval
e as súas conexións co presente.
•
Lingua e
literatura: Exercitar a
escrita creativa (guión), a expresión oral e a dramatización.
•
Artes
plásticas: Traballo
colaborativo na escenografía (castelos, aldeas, vestiario...).
2.
Competencias
socioemocionais:
•
Superar o medo
a falar en público mediante o teatro, unha ferramenta poderosa para a
autoestima.
•
Empatía
histórica: Poñerse no
lugar dos irmandiños e dos señores para debater sobre xustiza e poder.
3.
Valores
transversais:
•
Igualdade e
loita contra a inxustiza: A
obra serviu para reflexionar sobre como as desigualdades de clase aínda existen,
e como a acción colectiva pode cambialas.
• Compañeirismo: Traballar en equipo (actores, escenógrafos, narradores...) reforzou a cohesión do grupo.
O que fixeron non foi só unha obra de teatro: foi
un acto de xustiza educativa. Os irmandiños levantáronse contra os
castelos, e eles, ao representalos, derrubaron muros do medo e a desmemoria. A historia non só se escribe...
¡tamén se actúa!
A obra foi representada para todo o alumnado e o profesorado do centro, pero ademais foi unha das actividades que se levaron a cabo na celebración do 50 aniversario do noso colexio e tamén se fixo a gravación na radio para que todos e todas os que non puideron asistir á representación puidesen gozar dela. Parabéns por ese gran traballo!
O alumnado de 5º e 6º de primaria estivo a traballar, na área de Relixión e Moral Católica sobre o patrimonio relixioso das súas parroquias. Moitos deles realizaron gravación de radio coas súas presentacións. Este é o resultado, realizaron un gran traballo. Parabéns!
Traballo de Sofía e Macarena. Santa María de Loxo:
Programa de radio Santa María de Loxo
Traballos de Alan, Daniel, Edurne, Erea, Pablo e Yago. San Xoán de Touro.
.png)
.png)
.png)
.png)
.png)
.png)
.png)
.png)
.png)
.png)
.png)
.png)
.png)
