O día 21 de marzo celébrase o Día da Poesía e, un ano máis, no noso centro quixemos celebralo dun xeito especial. O alumnado voluntario da biblioteca fixo un recitado que decicou aos residentes e traballadoras de Os Tercios, a residencia de maiores de Touro. Fano sempre con moito agarimo e este ano non podía ser doutro xeito. Agardamos que lles guste moito!
Moitas grazas a todos e a todas por permitirnos achegarnos, aínda que sexa deste xeito, ata a vosa casa!´
Un ano máis, o alumnado voluntario da biblioteca realizou un recital poético adicado aos usuarios e usuarias da residencia Os Tercios de Touro. Como este ano o Día das Letras Galegas homenaxea ás cantareiras, os poemas recitados son fragmentos de cantigas tradicionais recollidas de diversas fontes. Como ademais entre as voluntarias hai algunha pandereteira, remata o recital con unha sorpresa que agardamos vos guste.
Un saúdo moi agarimoso para todos os residentes e traballadoras da residencia e moitas grazas aos voluntarios e voluntarias!
O pasado 21 de marzo celebrouse o Día da Poesía e o Día da Árbore e, para celebralo, no noso cole plantamos unha oliveira e levamos a cabo un recital de poesía. O acto estaba previsto para o propio día 21, pero por mor do mal tempo, tivo que ser adiado ata o mércores 26. Saímos ao lugar da plantación todo o alumnado de Infantil e Primaria, cada clase recitou un poema e despois, entre todos botamos terra para plantar a nosa nova árbore, unha fermosa oliveira, símbolo da paz. Feliz Día da Poesía e da Árbore!
Todos os 2º de marzo celébrase o Día da poesía e, como vén sendo tradicional nestes últimos anos, o alumnado voluntario da biblioteca fixo un recitado de poemas adicado aos residentes de "Os tercios", a residencia de maires de Touro. Fixérono con moito agarimos, recitando poemas das obras Roseira do teu amencer, de Xosé María Álvarez Blázquez, Do A ao Z con... Rosalía, de Ana María Fernández e de Animalario para ler a diario, de Eduard Velasco, todos eles relacionados, dalgún xeito, co bosque neste ano adicado a el. Agardamos que os gocen!
Un ano máis celebramos o día da poesía cun recitado dirixido aos residentes de “Los Tercios”, a residencia de maiores de Touro. O poema elixido foi “Rosaura e o mar” de Isabel Blanco.
Unha vez visualizado, dende a residencia fixéronnos chegar unhas agarimosas palabras, tanto da dirección como das traballadoras e dos residentes, para agradecer o traballo dos voluntarios e voluntarias e que todos gozaran do noso poema do mar.
Moitas grazas por esta fermosa acollida!
O luns 21 de marzo celébrase o Día da poesía e nós queremos facelo dunha forma moi especial. O alumnado voluntario da biblioteca recita uns poemas de Florencio Delgado Gurriarán, autor ao que este ano se lle adica o Día das Letras galegas, aos residentes da residencia "Os tercios" de Touro. Ao non poder facer a visita á residencia, aquí vos deixamos o vídeo do recitado para gocedes destes fermosos poemas. Esperamos que vos gusten!
E aquí vos deixamos as imaxes dos residentes de "Os tercios" gozando da poesía:
Hoxe celébrase o Día Internacional da Poesía e no noso cole quixemos facer algo especial.
Con motivo do Día Internacional do Cancro, os alumnos e alumnas de 6º de Primaria crearon un fermoso cadro feito con lazos cargados de bos desexos. A súa profe, Carla, levou despois ese cadro ao CHUS, á área de Oncoloxía Infantil, como agasallo para os nenos e nenas alí ingresados.
