O último día do curso, todo o alumnado do centro pasou pola biblioteca para despedirnos dela por este curso e despedir tamén o proxecto no que estivemos a traballar ao longo de todo o curso, "O mar". Fixémolo, entre outras cousas, visualizando o vídeo resumo do curso no que se recollen algunhas das actividades desenvolvidas ao longo do curso. Esperamos que vos guste e bo verán!
Despedida da biblio
O mércores, 22 de xuño, remataron as clases e foi o día elixido para despedirnos na biblioteca por este curso, unha despedida provisional, pois como lle dixemos ao alumnado, a biblio estará aberta uns días máis para que poidan elixir libros para o verán. Así pois, ademais de falarlles deses días de apertura e comentar as novidades que foron chegando, repartimos as recomendacións lectoras, para que fosen collendo ideas de lecturas para o verán.
Despedida do Club de lectura
A comezos do mes de xuño despedímonos do club de lectura. Para esa despedida xuntámonos os dous grupos de Lectour@s para comentar o final dos libros que lemos neste terceiro trimestre e gozar dun petisco de despedida. Foi unha xornada de ledicia polos bos momentos compartidos e de emoción polo remate do curso. Agardámosvos a todos o curso que vén. Bo verán!
Entrevista a Martín
Rematamos a serie de entrevistas de radio que o alumnado de 3º de Primaria realizou ao profesorado do centro. Facémolo coa entrevista que Isidro realizou ao profe Martín. Esperamos que vos guste!
Entrevista a Paco
Seguimos compartindo as entrevistas de radio que o alumnado de 3º de Primaria realizou ao profesorado do centro. Nesta ocasión é Yago o encargado de entrevistar a Paco. Esperamos que vos guste!
Entrevista a Asun
Deixámosvos hoxe a entrevista de radio que Diana, alumna de 3º de Primaria realizou á profe Asun e que esperamos que vos guste moito!
Entrevista a Raquel
Seguimos compartindo as entrevistas que o alumnado de 3º de Primaria realizou ao profesorado do noso centro. Hoxe traémosvos a entrevista que Alan fixo á profe Raquel. Esperamos que vos guste moito!
Entrevista a Flores
Hoxe compartimos a entrevista que José, alumno de 3º de Primaria, realizou á profe Flores. Esperamos que vos guste!
Entrevista a Mina
Seguimos compartindo entrevista. Tócalle o turno agora á profe Mina, entrevistada por Daniel, alumno de 3º de Primaria. Esperamos que vos guste!
Entrevista a Lorena
Deixámosvos máis entrevistas, neste caso Pablo entrevista a Lorena, orientadora do centro. Esperamos que vos guste!
Entrevista a María
Seguimos compartindo entrevistas realizadas polo alumnado de 3º de Primaria ao profesorado. Hoxe deixámosvos a entrevista que Dana realizou a María. Esperamos que vos guste!
Entrevista a Susana
Hoxe traemos a entrevista de radio que Celtia, alumna de 3º de Primaria, realizou a Susana. Esperamos que vos guste!
Entrevista a Laura
Seguimos compartindo as entrevistas de radio que o alumnado de 3º de Primaria realizou ao profesorado. Nesta ocasión Erea entrevista a Laura, mestra de inglés.
Entrevista a Xacobe
Tócalle o turno agora ao mestre Xacobe, entrevistado por Salomé e por Marina para a nosa Radio. Un placer escoitalos!
Entrevista a Rocío
Seguimos a compartir as entrevistas que o alumnado de 3º de Primaria estivo a realizar ao profesorado do centro. Hoxe tócalle o turno a Rocío, entrevistada por Hugo. Esperamos que vos guste!
Entrevista a Fran
O alumnado de 3º de Primaria estivo realizando unha serie de entrevistas ao profesorado do noso cole que iremos compartindo pouco a pouco. Hoxe comezamos con Fran, entrevistado por Sofía. Esperamos que vos guste!
O ano do mar en Arts and Crafts
O alumnado de 6º de Primaria, na área de Arts and Crafts participou nun proxecto moi especial dentro do Proxecto do centro "O ano do mar". Entre todos propuxéronse decorar o muro que rodea o cole e para iso elixiron a temática do centro. Levaron a cabo un mural mariño que agora se pode ver por todos aqueles que pasean polo entorno do colexio, contribuindo ao embelecemento da contorna. Parabéns!
O ano do mar en 2º de Primaria
Dentro do Proxecto de centro "O ano do mar", o alumnado de 2º de Primaria realizou varias actividades:
- Realizaron un mural para o fondo da clase simulando o fondo mariño. Nel foron colocando as distintas espcecies de peixes, algas, moluscos... que podemos atopar nas nosas rías.
- Fixeron manualidades diversas como unha peceira, diferentes animais mariños para decorar a aula, un marcapáxinas conmemorando do Día das letras galegas con temática mariñeira, entre outras.
- Tamén participaron en todas as actividades propostas dende a biblioteca, como o concurso de "Portas do mar" ou disfrazarse de buzos e sereas no entroido.
O polbo morado
Hoxe queremos compartir outro programa de radio, nesta ocasión levado a cabo polo alumnado de 5º de Infantil, que comparte con nós este fermoso conto "O polbo morado".
Esperamos que vos guste!
El viajero
Temos novo programa de radio!
O alumnado de 4º de Primaria realizou un programa de radio para conversar sobre a película "El desconocido" de Abbas Kiarostami. Aquí poderedes escoitar as súas impresións sobre a película, os finais inventados e as reflexións do alumnado sobre a a mesma. Esperamos que o gocedes tanto coma nós!
De Touro ao mar
O alumnado de 6º de Primaria, coa axuda do seu titor, estivo traballando, ao longo do segundo e do terceiro trimeste, no proxecto "De Touro ao mar".
Neste proxecto o alumnado levou a cabo unha viaxe, en bicicleta estática, ao longo do río Ulla, ata a ría de Arousa e a península do Barbanza. De xeito combinado, as rapazas e rapacer do último curso de Primaria, completaron o percorrido combinando o pedaleo na bici coa lectura do libro "Galicia", de Francisco Fernádez del Riego, e diferentes retos, actividades e tarefas vencelladas ás diversas competencias.
Procuraron emular, no seu deseño e posterior posta en marcha, unha situación real de viaxe. Para elo inventaron a súa propia moeda, mercaron virtualmente diversos utensilios e víveres, "reservaron" restaurantes e aloxamentos, fixeron de guías en diferentes concellos e coñeceron parte da gastronomía do litoral galego, planificando menús saudables cos produtos propios deses lugares.
O último día de maio realizaron unha excursión co percorrido real que fixeran anteriormente de xeito virtual. Contaron coa colaboración do profesorado do cole que axudou coas súas achegas e as súas "pernas na execución desta aventura na que mesturaron actividade física, o cognitivo e o afectivo-social.
O mar en Proxecto Competencial
O alumnado de 1º de Primaria de Proxecto Competencial realizou un mural do fondo mariño con animais en relieve e que se poden quitar para a súa observación. Foi un fermoso traballo que queremos compartir con todos vós!