Comezaron o curso co conto de Brancaneves
e os
Sete
ananiños.
Fixemos as pulseiras do comezo do curso con esta temática que tamén
estivo presente nos carteis dos días da semana no panel de rutinas e
nos números ordinais.
Crearon a súa árbore, que presidiu o panel das rutinas e a asamblea, que
pintaron, plastificaron e que foron tematizando ao longo do curso:
árbore do outono, do inverno, da paz, do amor, do 8 de marzo, da
primavera…
Pintaron as súas árbores do outono, do inverno e da primavera empregando
diferentes técnicas pictóricas (estampado con esponxa, puntillismo
con bastonciños e cos dedos, pintado con pincel, collage con flores,
estarcido…) e incluíndo animais de cada estación.
No
outono saíron buscar elementos del, estamparon follas, tinxiron landras, debullaron millo, decoraron cabazas, traballaron os
cogomelos e as súas partes, xogaron cos policubos con plantillas
deles e tamén dos números anteriores e posteriores, un alumno
trouxo un dente de xabaril…
Montaron o seu mercado do outono cos seus produtos: contaron, sumaron,
pesaron, e restaron cos seus prezos.
Para
o seu proxecto do corpo humano e a saúde empregaron elementos do
outono e practicaron a arte do "land art" para contruír o esquema
corporal, logrando verdadeiras obras de arte.
Para
a celebración dos aniversarios cada alumno/a elixiu o seu animal do
bosque favorito e creou a súa coroa con el e a medalla. No día do
aniversario as familias foron á aula e co animal elixido fixeron
unha actividade. Houbo contacontos, teatro, manualidades, cancións…
No Samaín creron o seu minimundo con elementos do outono: millo,
landras, fixeron mórcegos con piñas, modelaron cabazas con
plastilina…
Tamén
crearon as caras terroríficas do bosque: como siluetas empregaron noces, castañas, avelás, landras e puxéronlles ollos, boca, nariz
e orellas terroríficas.
Fixeron pizza de champiñóns, para o que escribiron a receita e debuxámola. Tamén
estamparon cos champiñóns.
Aprenderon as partes do moucho co "Blue Bot" e para iso crearon o seu panel do
moucho.
Crearon pulseiras con forma de árbore polo Día Internacional para a
eliminación da Violencia de Xénero e pintaron os animais do bosque
sobre os que escribiron palabras como forte, valente, intelixente…
No
nadal empregaron follas de carballo para facer un abeto na postal
para felicitar ás familias. Crearon un centro cun abeto con piñas e
acivro. Convertéronse en renos do nadal, para o seu calendario dos
días que faltaban para que chegase, estampando tamén con follas de
carballo. Decoraron bolsas con abetos cos nosos nomes e fixeron colgadoiros. Escribíronlle ao Apalpador dos bosques do Courel de
Lugo e cantaron a súa canción, caracterizándonos para iso como el.
Plantaron landras e cactos, e viron o proceso de crecemento dunha árbore
rexistrando no seu caderno.
Fixeron a súa árbore dos desexos para o ano 2024 e tiveron o seu sorteo da
lotería do bosque.
Foron á sala de cine independente Númax ver a película Superverme.
Decoraron a porta da súa aula creando unha árbore na que puxeron follas de
carballo e landras tinxidas, así como outras feitas en cartolina. Cearon con
cartón e hedras a casa dos ananiños de Touro e fixeron un
bosque no que debuxaron aos ananiños.
No
Entroido disfrazáronse de ananiños, fixeron carautas con pratos de cartón de animais e insectos do bosque , con cartón pluma fixeron a
pancarta para o desfile do Entroido co lema “coidemos o bosque” e
tamén unha árbore para tirar fotos.
Pintaron insectos ao estilo do pintor Piet Mondrian.
Para
o día de Rosalía de Castro crearon unha árbore da que colgaron as
flores co cancelo #oamordapatriagalega
con información sobre a nosa escritora.
Fixeron unha saída ao bosque para observar animais, insectos, árbores e
plantas e recolleron flores, plantas…
Durante
o curso traballaron contos de lobos dos que fixeron na súa axenda un
debuxo e escribiron o título, o autor/a e o ilustrador/a.
Fixeron un despregable do lobo coas súas características, nome etimolóxico,
hábitat e alimentación.
Dramatizaron o conto de Tío
Lobo
e crearon o seu armario coa súa roupa xogando a vestilo e espilo.
Pintaron raposos en toros de madeira que converteron en medallas e modelaron medallas nas que cun selo estamparon a árbore da vida.
Crearon o seu xogo de lóxica cos osos do bosque cos números ata o 20.
Crearon o seu minimundo do bosque con arroz tinxido e con plastilina
modelaron as árbores, animais e os insectos.
Na
Pascua fixeron antifaces de coellos e coellos coa súas madrigueiras
empregando palla. Tamén fixeron un coello estanpamdo a man e
decorárono con grafismo creativo.
Durante
todo o curso decoraron as ventás da aula con vidreiras feitas con
papel de seda de árbores, animais do bosque e insectos, flores e
plantas, cogomelos…
As
etiquetas das mesas e os colgadoiros foron en consonancia coa
temática do bosque. E o abecedario que tiveron na parede durante o
curso foi o abecedario do bosque coas letras en maiúscula e
minúscula e a palabra coa que empezaban era vocabulario do bosque.
Ilustraron o conto de Georgia O´Keeffe empregando como silueta flores grandes.
Na
primavera con cartón de ovos fixeron abellas e flores con cartón e
piñas que meteron nun floreiro feito cun bote de cristal que
pintaron e decoraron con margaridas.
Polo
día do libro fixeron marcapáxinas coa flora e a fauna do bosque.
Para
traballar as emocións fixeron un minilibro no que escribiron as
emocións ou sentimentos que lles causaban a flora e a fauna do
bosque.
Debuxaron maios e escribiron os elementos que o forman. Na casa coa axuda das
familias fixeron cadenetas de flores para o maio do colexio.
Fixeron fósiles de insectos con barro e un "flipbook" deles. Tamén crearon a súa insectoca coas súas regras.
A
mascota deste curso foi un esquío, a que lle puxeron o nome de Lía.
Para que non se sentira tan soa crearon esquíos con rolos de cartón
e piñas.
Cada
un fixo un "lapbook" do esquío coas súas partes, ciclo da vida,
curiosidades, tipos de esquíos, onde viven, como se di o seu nome en
galego, castelán ,ingés e francés, aproveitando para traballar as
bandeiras, as súas pegadas e a pel, o que comen, outros animais que
habitan no bosque…
Crearon o seu bosque de Touro tendo como referente o bosque pintado de Oma
de Agustín Ibarrola e fixeron un miniproxecto del.
Elaboraron un xogo da oca, "O insectoca", co que aprenderon vocabulario e nas casas había sumas e restas, así como nomes de insectos.
A
temática do bosque tamén estivo presente na graduación na que o
escenario foi un bosque e pintaron bolsas de tela cos animais do
bosque e a árbore da vida. Tamén fixeron as máscaras dos animais
do bosque para ese día.
Durante
todo o curso fixeron o seu calendario no que rexistraron o tempo,
debuxáronse mes a mes e para cada mes elixiron un refrán
relacionado co bosque, tendo que descifrar o seu resultado, escribilo
e facer o debuxo para ilustralo.
Coa
colaboración das familias fixeron o conto viaxeiro titulado Lía
e o
bosque
das emocións.
E
esto xa vai chegando a súa fin. Pero por aquí vos deixamos o vídeo co resumo de todas as actividades que levaron a cabo ao longo do curso.