Comezamos as actividades do Mes da ciencia en galego e fixómolo coa videoconferencia "A física de partículas no século XXI". Impartida polo DR. Diego Martínes Santos, investigador Oportunius no Instituto Galego de Física de Altas Enerxías (IGFAE) e Premio 2013 da Sociedade Europea de Física ao mellor físico novo de Europa, estivo dirixida ao alumnado de 3º e 4º da ESO.
O Día das bibliotecas fixemos entrega dos pasaportes lectores. Este curso, como o curso pasado, foron dous os creados, un xeral, para anotar todos os libros lidos ao longo do curso e outro temático, para anotar todos os libros lidos, pero relacionados co proxecto do curso:"O bosque". Queremos compartir os dous modelos, por si os necesitades. Tamén os podedes atopar na biblio, así que xa sabedes, agardámosvos!
Pasaporte lector
.png)
O martes, 31 de outubro, celebramos o noso tradicional Samagosto. Houbo disfraces terroríficos, xogos, festas, conxuros e, por suposto, castañas asadas. Unha xornada diferente e moi divertida na que mesmo o tempo acompañou.
É tempo de Samagosto! e como non podían faltar as cabazas nin as lecturas terroríficas. Este ano, no que estamos a traballar "O bosque", a proposta foi "Cabazas do bosque encantado". Propúxoselles o reto ás familias de crear cabazas baixo ese lema, aproveitando materiais do monte e inspirados en animais dos bosques, casas enmeigadas, seres mitolóxicos que os habitan, e nolas fixesen chegar para montar unha exposición con todas elas. O resultado non pode ser máis fermoso, un conxunto de obras mestras que superaron as nosas expectativas. Moitas grazas pola vosa colaboración! Deixámosvos as fotos para que xulguedes por vós mesmos.
