Nota emitida pola clase de 1º de Primaria:
'As nenas e nenos de Primeiro curso de Primaria escollemos traballar sobre as mulleres futbolistas.
As mulleres atópanse a día de hoxe aínda con moitas dificultades no recoñecemento da súa valía neste deporte. Vaise avanzando pouco a pouco. O machismo segue imperando. Son obxecto de discriminación desde moi pequenas.
Avanzamos... A proba son as novas que aparecen na prensa deportiva na que seleccionamos algunhas páxinas de La Voz de Galicia; programas como El Larguero da cadena Ser informa da liga de fútbol dos equipos femininos; os estadios de fútbol empezan a rexistrar moito público,...
Pero as futbolistas non reciben as mesmas retribucións económicas ca os futbolistas da súa mesma categoría. Son poucas as que poden dedicarse profesionalmente a este deporte sen ter outros ingresos.
Andrea Carid ou Verónica Boquete son mulleres futbolistas que empezaron moi nenas e saben moito de todo isto.
E como non, no Entroido disfrazámonos todas e todos de MULLERES FUTBOLISTAS.
Animo mulleres!'
Ningún comentario:
Publicar un comentario