Este ano, o Ano da Música, levouse a cabo unha actividade moi especial. Compartimos a nota que se pasou a todo o profesorado, ao comezo do curso, e a continuación o resultado. Un traballo moi fermoso que esperamos que vos guste tanto como a nós!
MÚSICA CON-DATA E POS-DATA
SINCRONIZANDO TEMPOS E MELODÍAS
A melodía máis fermosa comeza co noso nacemento. É a melodía da vida. O “pum-pum” que se mantén como fondo ao longo de todo o noso existir. Ese latexo inicial é a clave, pero vai ir acompasado de moitos momentos diferentes e todos eles doutras moitas melodías con distintos ritmos.
Acaso seriamos as mesmas persoas sen os primeiros arrolos, ou sen as cancións tantas veces entoadas nas reunións familiares e aniversarios? Poderiamos reter na nosa memoria instantes e vivencias importantes sen e a música que as envolveu coma se se tratase dun papel de regalo?
Está claro que a
música é parte da nosa vida e a nosa vida non é posible sen momentos asociados
á música.
Por iso, imos descubrir que aconteceu na data do noso primeiro compás (o noso nacemento), no eido musical, ao longo do tempo.
DESENVOLVEMENTO
DA ACTIVIDADE.
Actividade programada
para o ano académico 2025-26 (“Ano da música”), para todos os niveis.
PRIMEIRO TRIMESTRE:
1.- Selección dun
compositor/a ou cantante, unha peza musical, un concerto, a creación dun grupo,
a presentación dun disco… Calquera efeméride referente á música e relacionala
coa data de nacemento de cada alumno e alumna do centro.
2.- Procura de
información sobre esa efeméride ou sobre varias (no caso de Secundaria, unha en
cada lingua: galego, castelán, inglés, francés).
No caso dunha
compositora ou compositor: data de nacemento e pasamento (de ter acontecido),
breve biografía (estudos, profesión, obra, títulos, momentos clave da súa obra).
SEGUNDO TRIMESTRE:
3.- Elaboración do
soporte empregado para expoñer a información.
4.- Material
utilizado: dúas cartolinas en forma de disco coa súa caixa. Estas inclúen a información
obtida e a imaxe, ademais do nome do alumno ou alumna autor de cada disco e a
súa data de nacemento (coincidente coa efeméride), destacada noutra cor: a
posdata.
4.- Decoración
persoal, ao igual cós discos, pero cumprindo os requisitos anteriores
referentes ao contido e imaxe.
5.- Corrección de
posible erros.
TERCEIRO TRIMESTRE:
Exposición conxunta
de todos os cursos e niveis, establecendo seccións por
meses do ano.
Equipo da Biblioteca
E velaquí o resultado:
Ningún comentario:
Publicar un comentario