O ano do mar en 4º e 6º de Infantil

  Durante este curso, o alumnado e as profes de Infantil estiveron a traballar moito sobre a PDI do centro, "O mar". Queremos compartir todas esas actividades con vós e darlles os parabéns por todo ese traballo!

• Comezaron o curso distribuíndo ao alumnado en grupos nomeados con distintos animais mariños. e rotulando distintos elementos da aula cos mesmos. Así, houbo o grupo dos golfiños, das baleas, dos tiburóns...

• Realizaron distintas visitas relacionadas co mar: á peixeira do pobo, á Casa dos peixes de A Coruña e á sala Numax, en Santiago, donde visionaron o conto "O caracol e a balea".

• Exploraron, na clase, as distintas partes dun peixe.

• Elaboraron un abecedario de animais mariños.

• Realizaron colgadoiros para a porta polo Día do libro.

• Obradoiros de cociña nos que fixeron a seguinte receita: aperitivo de sardiñas con queixo.

• Observaron, clasificaron e contaron cunchas.

• Elaboraron varios murais: un sobre o fondo mariño para a aula, un sobre o Peixe Arco da Vella con motivo do 25N, outro con animais monstruosos do fondo abisal para o Samagosto e participaron no concurso "Portas do mar".

• Decoraron cunchas de ameixas, aportadas polas familias, relacionadas co Samaín.

• Elaboraron un calendario de Advento con cunchas de vieiras, que tamén decoraron, para traballar o vocabulario desas datas festivas.

• Realizaron debuxo sobre a marea negra provocada polo desastre do "Prestige" e visitaron a exposición que recordaba os 20 anos desta traxedia.

• Decoraron un gorro pirata baixo o lema "Piratas pola paz" e realizaron carautas mariñas no Entroido.

• Crearon o seu propio xogo da Oca con vocabulario relacionado co proxecto dos piratas e cuxa finalidade era conseguir o tesouro.

• Decoraron as fiestras da aula cos mares de Galicia: o mar Cantábrico e o océano Atlántico.

• Construíron o seu propio barco con materiais biodegradables, que foi levado a un río contaminado da contorna baixo o lema "Queremos un río limpo".

• Tiveron unha gran participación por parte das familias. Cada familia buscou información sobre un animal mariño elixido polo alumno ou alumna para despois ir á aula para falar del, apoiándose en maquetas e murais que despois foron expostas para o resto de alumnado de infantil... Outros fixeron manualidades.

• Realizaron manualidades mariñas con distintos tipos de materiais:

1. Modelaron, con pasta branca, un cachalote.
2. Modelaron, con platilina, animais mariños.
3. Realizaron unha medusa con goma eva e papel.
4. Modelaron unha estrela de mar con papel maché.
5. Realizaron maquetas de tartarugas acuáticas.
6. Colorearon o peixe globo realizado por unha familia con papel maché.