Pouco a pouco ímonos achegando ao final deste noso Ano da Música, así que chegou o momento de comezar a compartir os proxectos levados a cabo nas distintas áreas e etapas. Comezamos cos proxectos levados a cabo polo alumnado da ESO de Dixitalización e de Tecnoloxía:
1.-Realización de murais relacionados co PDI do centro co alumnado de Dixitalización e de Tecnoloxía de 4º da ESO
1.1.-Mural da entrada do colexio: madeira,
cartón e papel.
O violín
foi realizado reciclando as caixas de cartón dos paneis dixitais. A tipografía
foi dixitalizada a partir de ilustracións de internet e realizada coa cortadora
láser de Polos Creativos.
1.2.- Mural do ano da música na biblioteca: papel e cartón.
Ao igual que o outro mural, a tipografía foi dixitalizada a partir de
ilustracións de internet e realizada coa cortadora láser de Polos Creativos. As
pandeiretas foron realizadas polo alumnado de Tecnoloxía e Dixitalización no
curso 24-25 e a zanfona en cursos anteriores para celebrar o entroido.
2.- Proxectos de taller na materia de Tecnoloxía e Dixitalización I do alumnado de primeiro da ESO
No apartado correspondente a proxectos de taller con madeira e metal o alumnado fixo en pequeno grupo os seguintes traballos:
2.1. -Pandeiros con
madeira e cinta de embalar
2.2 .-Tarrañolas
con madeira de castiñeiro e cortadora láser de Polos Creativos
2.3.- Pandeiretas
con madeira de piñeiro e nogueira e ferreñas con botes de tomate reciclados do
comedor escolar.
