A volta ao mundo de 2º de Primaria 2019/2020

O alumnado de 2º de primaria quere compartir con tod@s nós o seu traballo ao longo deste curso. Cóntannos que grazas ao seu compañeiro, Ali, un alumno nado en Dubai e que este é o segundo curso que está escolarizado no noso centro, o Emirato estivo moi presente nas tarefas diarias da clase. Calquera situación era aproveitada para comparar e sacar conclusións en torno á vida das persoas, sobre todo das nenas e nenos, nese entorno e as diferencias entre o día a día entre Touro e Dubai. As referencias á vida en Dubai, á vida en Touro e nos outros países traballados, nacía na aula todos os días, compartindo Ali as súas vivencias cos seus compañeiros e compañeiras.

No Entroido elixiron un espazo moi diferente para coñecer, establecer as oportunas comparacións e logo disfrazarse. Viaxaron ás terras de Groenlandia, de Alaska e do Polo Norte grazas ao pobo esquimó. Grazas aos mapas políticos do mundo, a unha globoesfera e ás novas tecnoloxías que os axudaron a investigar sobre a localización, os costumes, os modos de vida e a vestimenta típica deste pobo. Axudáronnos a comprender moitas realidades, xurdiron preguntas e comentarios moi interesantes,  e fixeron as actividades máis divertidas. 

Foron moitas as actividades que quedaron sen levar a cabo debido ao decreto do Estado de Alarma, entre elas a visita da familia de Ali, para seguir ampliando os seus coñecementos sobre Dubai, aínda así, ralizaron un gran traballo, así que parabéns!!

A volta ao mundo de 1º 2019/2020

En 1º de primaria estiveron traballando no seu Mosaico "A volta ao mundo"

Despois da visualización dos 4  primeiros capítulos de "A volta ao mundo de Willy Fog" comezaron coa elaboración de un mosaico sobre os paises nos que estivo Willy Fog. Debido á suspensión das clases, só lles dou tempo a facer Reino Unido e Francia, traballando a capital, a bandeira, o monumento máis significativo, comida típica e vestimenta tradicional.

No Entroido disfrazáronse co traxe típico da India, tamén colorearon e decoraron a  cabeza de un elefante hindú, animal moi significativo para a súa cultura, debido a que o consideran símbolo de boa sorte.

Durante o confinamento seguiron traballando no proxecto de "A volta ao mundo" dende as casas. Crearon e ilustraron un videoconto titulado "Coronavirus viaxa polo mundo".

Un gran traballo, parabéns a tod@s!

A volta ao mundo en Infantil 2019/2020

Dentro do proxecto traballado ao longo do curso, A volta ao mundo, en Infantil levaron a cabo as seguintes tarefas:

• Decoración das portas das aulas relacionadas con paisaxes e animais do continente africano: amencer e xirafa en 3 anos, a selva e o gorila en 4 anos e amencer e león en 5 anos.

• Realización dun obradoiro de confeción de máscara relacionada co centro de interese e disfraces relacionados co continente africano.

• Elaboración dun receitario con pratos de diferentes culturas, por exemplo as arepas de Venezuela, minipizzas de Italia, tarta de mazá de Alemaña, filloas de Galicia...

• Elaboración de un mural coa silueta de muller africana que escribiron no seu interior profesións atípicas de mulleres, para conmemorar o Día da Muller Traballadora.

• Coñecer outros lugares e a súa cultura a través de charlas onde as familias contaron as súas experiencias, vivencias ou coñecementos dos lugares. Visualización de vídeos ou contos relacionados co mundo. así como coñecer formas formas de cortesía de outros países como rutina de entrada e palabras sinxelas.

• Durante o confinamento o alumndo, e a súas familias, seguiron traballando no proxecto de "A volta ao mundo", viaxando e investigando sobre Exipto, a India, Grecia e o Reino Unido. Aquí podedes ver o resultado do seu traballo:
  

Alumnado de 5º de infantil:

Alumnado de 6º de infantil:

• Elaboración de un cartel sobre a situación de marxinación que sofren as mlleres en Exipto con motivo da conmemoración do 25N e que se expuxo na bilbioteca.

Parabéns por tanto traballo!!

Vídeo resumo

Neste fin de curso atípico, non queriamos deixar de compartir con tod@s vós o vídeo resumo de todas as actividades que se foron desenvolvendo ao longo do curso. Esperamos que vos guste e agardámosvos en setembro. Moi bo verán a tod@s!

Radio na biblio

Xa podedes escoitar o último programa de radio do alumnado de 5º de primaria. Este é un programa moi emotivo, cos sentimentos a flor de pel, pois nel despídense de dous dos seus mestres que xa non os acompañarán o curso que vén. Un programa feito con moito cariño e que merece a pena escoitar. Parbéns, rapaces!
 Despedida Chus e Daniel

Recomendacións lectoras

Pouco a pouco foise achegando o fin de curso e, aínda que é un fin de curso atípico, non queremos deixar de compartir con tod@s as nosas recomendacións lectoras para este verán. Esperamos que o disfrutedes e vos gusten as nosas propostas. Bo verán e felices lecturas!

Radio na Biblio

Xa podedes escoitar o novo programa de Radio do Cineclub Touro! Nesta ocasión véñennos a falar de "La quimera del oro". Esperamos que vos guste e decidades ver a película!
La quimera del oro

Radio na biblio

Xa podedes escoitar o novo programa do Cineclub Touro. Nesta ocasión véñennos a falar de "El séptimo sello". Como eles din, unha película difícil, pero acorde cos tempos, e da que sacaron interesantes reflexións. Coma sempre, parabéns por un programa que merece a pena escoitar!
El séptimo sello

Receitas para o confinamento

Xa temos todas as receitas! Nesta entrada podedes atopar todas as receitas que, tanto alumnado como profesorado, quixeron compartir con todos nós. Esperamos que as desfrutedes!

Ainara: Muffins au citron

Ainhoa: Pastel de millo de Paraguay

Alba P.: Biscoito de noces

Alex: Tostada galesa de queixo

Andrea: Tortitas

Antón: Biscoito de iogur

Aroa: Galletas

Brais: Rosquillas

Fabiola: Napolitana de chocolate

Fátima: Tarte aux Crêpes au Chocolat.

Igor: Merluza á cazola

Inés: Galletas de chocolate

Irene Rendo: Galletas de manteiga

Irene Rodríguez: Arroz tres delicias

Lorena: Biscoito de chocolate

Lourdes: Gallete des Rois a la Fragipane

Lucía: Flor de chocolate

Nazaret: Polo ao "curry" e Tiramisú

Nerea: Tiramisu à la châtaigne

Noa D. Salade Tipyque des Landes

Noa I.: Rosquillas

Noa P.: Flan de ovo

Óscar Xosé: Torta de xelatina de laranxa e piña

Paula V.: Clafoutis

Lía: Lasaña de carne con bechamel

Santiago: Arepas

Sara S.: Empanada

Shaila: Tarta de queixo fría

Susana: Galletas de manteiga de cacahuete

Valeria: Tarta de queixo, iogur e doce de leite

Vanessa: Biscoito de iogur con cobertura de chocolate

Zaida: Arepas

Carla: "Fajitas" de polo

María R.: Biscoito de iogur

Alumnado de infantil: Receitas do mundo