Conferencia: O LHC, o acerlerador de partículas máis grande do mundo

  O pasado xoves, 1 de febreiro, o noso alumnado gozou dunha conferencia sobre o acelerador de partículas máis grande do mundo (LHC). Impartida por Iván Cambón Bouzas, do IGFAE, Instituto Galego de Física e Altas Enerxías, o propósito da mesma foi mostrar o funcionamento, da man dun experto, do LHC (Large Hadron Collider). Trátase dun enorme anel de 27 Km de diámetro, situado a 100 metros baixo o solo da fronteira entre Francia e Suíza, onde se construíron as instalacións do CERN (Organización Europea para a Investigación Nuclear). Aquí fanse chocar feixes de partículas subatómicas a velocidades moi próximas á da luz. E para que? O obxectivo é estudar as partículas resultantes destas colisións e as súas interaccións, para destrañar os misterios da materia que compón todo o que conforma o Universo. En 2012, o LHC abraiou ao mundo coa detección do bosón de Higgs. Hoxe, este grande experimento continúa a procura dos elementos fundamentais da materia, que nos axuden a comprender mellor a natureza e todo o que coñecemos.

Os mandados de Dona Meca

  Comeza o tempo de Entroido e a nosa Dona Meca xa ten preparados os seus mandados para celebralo por todo o alto. Ao longo da semana iremos cumplindo os seus mandados, que non son acumulativos, e remataremos a festa cun desfile por Fonte Díaz, se o tempo o permite, o venres, 9 de febreiro. Agardámosvos!

A árbore da paz

  O pasado 30 de xaneiro celebrouse o Día Escolar para a Non Violencia e da Paz e no noso centro, neste Ano do Bosque, creamos a Árbore da Paz. Na silueta dunha árbore, proporcionada polo profesor de Tecnoloxía, colocamos follas nas que, cada aula, escribribiu a súa mensaxe de Paz. Desexamos que todos eses desexos se fagan realidade.

 Por outro lado, os alumnos e alumnas de 6º de primaria reinauguraron o poste dos sinais, con indicadores dos lugares de orixe dos seus novos compañeiros e compañeiras, aos que convidaron para que desen ou seu visto e prace. No alto colocaron un sinal de Palestina, como acto simbólico.

Portas do bosque

  Como vén sendo tradición, con motivo do biblionadal organizouse o concurso de decoración de portas. Este ano o lema, como non podía ser de outro xeito, era Portas do bosque. Hoxe queremos ensinarvos o resultado de todo o traballo levado a cabo nas distintas portas, así como o paso do xurado (composto por alumnado voluntario da biblioteca) que valorou as mesmas. Xa temos portas gañadoras que se darán a coñecer con motivo do Día do libro. Parabéns a todos os participantes, o xurado tívoo complicado para elixir!

4º de Infantil

 

5º de Infantil

6º de Infantil

1º de Primaria

2º de Primaria

3º de Primaria

4º de Primaria

6º de Primaria

2º ESO

 

3º ESO

 

 Club de lectura

Biblioteca

P. T.

Paso do xurado:

Novidades

  Hoxe queremos compartir as últimas incorporacións á nosa biblioteca. Esperamos vervos pola biblio!

Biblionadal. Festival de Nadal.

  O último día do trimestre celebramos un festival de Nada no que houbo obras de teatro, bailes, cancións. Foi unha xornada festiva, na que todos participamos con entusiasmo e na que mesmo recibimos a visita de dous personaxes moi impartantes para esas datas, Papá Noel e O Apalpador. Este festival contou coa participación de todo o alumnado de Infantil e Primaria e de algúns alunmos e alumnas de Secundaria e coa colaboración de todo o profesorado, en especial do mestre de música e do mestre de 5º de Primaria, polo que só nos queda felicitalos a todo polo seu traballo. Foi unha xornada máxica!