Pouco a pouco seguimos a traervos as últimas incorporacións á nosa biblioteca. Esperamos que vos gusten!
25N
Esta semana celebraremos o Día Internacional para a Eliminación da Violencia contra a muller. Nestas últimas semanas o alumnado do centro participou nuns obradoiros sobre igualdade e nos que cada neno e nena pintou unha camiseta con lemas sobre a mesma. Esa camiseta vestirémola todos o xoves 25 e todos, Infantil, Primaria, Secundaria e profesorado, sairemos ao patio para unha actividade conxunta na que queremos visibilizar o noso rexeitamento da violencia e loita pola igualdade.
Ao longo da xornada o alumando de Infantil e Primaria baixará por turnos á biblioteca para a visualización dunhas curtas sobre a igualdade. O alumnado de Secundaria visualizará as curtas na aula de audiovisuais e contarán coa presenza de Xián, guionista e protagonista das mesmas e exalumno do noso centro, polo cal estamos moi agradecidas.
Estas serán as curtas que visualizaremos:
Infantil, 1º e 2º
Al ratoncito diminuto le hacen bullyng
3º e 4º de Primaria
5º, 6º, e toda a Secundaria:
Metamorfose: Curta realizada a partir do relato de Xián Barreiro e gañador de concurso de microrrelatos Suprime o Control da Deputación de A Coruña 2017.
Non
Videoconferencia Sonia Villapol
Esta semana, dentro das actividade do Mes da ciencia en galego, o alumnado de Secundaria gozou da conferencia "O que aprendemos da pandemia", impartida por Sonia Villapol, científica galega e divulgativa que desenvolve o seu labor no centro Médico de Texas (Houston, EEUU) e que forma parte do equipo de Investigación Internacional da COVID-19.
Cumpríase un ano da asistecia á videoconferencia impartida por ela mesma e titulada "Só a ciencia nos rescatará da pandemia, na que compartiu connosco un enfoque científico dos conceptos básicos da COVID-19, como se transmite, efectos, tratamentos e vacinas. Nese momento os científicos e científicas aínda investigaban en torno á vacina, daquela en fase de exprerimentación. A día de hoxe, coa maioría da poboación xa vacinada, tentou darnos unha visión actual da situación, desde o punto de vista da ciencia.
Radio na biblio. The Kid
Temos novo programa de radio! Nesta ocasión é o alumnado de 3º de primaria o que nos comparte o seu programa sobre a película "The kid" de Charles Chaplin. Esperamos que o desfrutedes!
Cogomelos
Un ano máis, dentro do Mes da ciencia en galego, o alumnado de Secundaria gozaron dunha xornada micolóxica. Este curso contaron coa presenza de Cecilia, antiga profesora do centro, quen compartiu con eles a súa sabedoría sobre os cogomelos, acompándoos nunha saída na que recolleron toda clase de fungos que despois clasificaron para a súa exposición. Moitas grazas, Cecilia por esta interesante xornada!
Os volcáns
Dentro do Mes da Ciencia en galego e co gallo da erupción do volcán d´A Palma, o alumnado de 5º, 6º de Infantil e o de 5º e 6º de primaria estivo traballando sobre os volcáns. Para rematar as súas investigacións, os alumnos e alumnas de 5º e 6º de primaria realizaron uns experimentos nos que viron o funcionamento das erupcións para despois compartir os seus coñecementos co alumnado de Infantil así como o resultado dos seus experimentos. Foi unha experiencia moi enriquecedora para todos!
Novidades
Deixámosvos as primeiras novidades da biblio para este curso no que celebramos "Un ano de cine".
Radio na biblio. Asolagados
Aquí vos deixamos o primeiro programa de radio Locutoura do curso 2021/2022! Como xa indicamos nunha entrada anterior, o alumnado de 5º e 6º de primaria estivo a traballar sobre o documental "Asolagados" de David Vázquez. Neste programa cóntannos as súas experiencias co documental, as súas vivencias durante a excursión aos lugares protagonistas do mesmo e dúas entrevistas do máis interesante, todo iso animado por unha música moi especial. Animámosvos a escoitalo, merece moito a pena!
Asolagados
Comezamos a mostrarvos os proxectos das distintas clases co fío do cine. Hoxe queremos compartir o traballo do alumnado de 5º e 6º de primaria en torno ao documental "Asolagados" do director David Vázquez. Unha vez visto o documental e traballado distintos aspectos do mesmo para a realización do programa de radio sobre o mesmo, os mestres de 5º e 6º organizaron unha excursión ao encoro de Belesar, Portomarín e Castro Candaz co fin de ampliar a formación do alumnado e recompilar datos para o programa de radio xa mencionado. Fran, mestre de 5º de primaria preparou ademais, un reto con 10 enigmas que os alumnos e alumnas debían resolver e que se recollen no seguinte enlace:
Excursión Belesar, Portomarín e Castro Candaz.
Foi unha gran xornada para tod@s!
Subscribirse a:
Publicacións (Atom)