XA ESTÁ ABERTO O ANEXO PARA XOGOS

Este pasado mércores foi, como xa anunciaran xs voluntarixs no 'Pregón do xoves', a inauguración do anexo para xogos. Non estivo cheo- estaba moi bo día para xogar no patio- pero si que viñeron algúns e algunhas a pasar un bo rato. E, por suposto, estivo o alumnado voluntario colaborando na apertura e axudando na de decoración...

MALETAS VIAXEIRAS DA POESÍA EN INFANTIL.'MES DE ROSALÍA. MES DA POESÍA'

Neste 'Mes de Rosalía. Mes da Poesía' as maletas viaxeiras cheíñas de poesía andan polas clases. 

A maleta de Infantil-Primaria estivo estes días nas tres aulas de Infantil e ademais de poder gozar dos poemas e das ilustracións, algún dos seus libros dou para facer bonitas manualidades de San Valentín...

HOXE NA BIBLIO...

CLUB DE LECTURA 3º/4º ESO. 'O QUE SEI DO SILENCIO'. (SEGUNDA E TERCEIRA SESIÓNS)

Imos xa pola terceira sesión do club de lectura de 3º/4º ESO. 

Co rosco vermello 'contra o acoso escolar' estivemos a analizar na pasada xuntanza os distintos personaxes que van aparecendo na novela. 

Nesta terceira, co rosco verde 'a favor da tolerancia', debatimos sobre como se van revelando eses personaxes, como van entrelazando as súas relacións e como enfrontan as situacións e conflitos ao seu redor... 

Moi boa lectura esta de 'O que sei do silencio'. 

CLUB DE LECTURA 1º ESO. ' A BALADA DOS UNICORNIOS' (PRIMEIRA E SEGUNDA SESIÓN)

Xa imos pola segunda sesión do club de lectura de 1º ESO. Tras o desfrute de 'As meigas de Lupa', estamos agora con 'A balada dos unicornios', que tan bo sabor de boca deixou no club de lectura de 2º ESO. 

Na primeira sesión estivemos a ver o vídeo que fixemos no club de 2º, repartíronse os marcapáxinas e falemos un chisco do libro e da súa autora.

Nesta segunda sesión tocou xogar e comentar os 5 primeiros capítulos. As preguntas foron sinxelas e as respostas rápidas e correctas. Poucas veces fixo botar man dos comodíns…

NOVIDADES DE XANEIRO

Deixámosvos aquí algunhas das novidades que chegaron á biblioteca no mes de xaneiro. Non están todas as que son pero son todas as que están... 

'O PREGÓN DO XOVES' (1)

Hoxe, 7 de febreiro, tivemos no recreo 'O pregón do xoves'. De pregoeiros David (5°de Primaria) e Zaira (2° ESO). E non é por presumir de voluntariado pero... que ben o fixeron! Faláronlle ás compañeiras e compañeiros das actividades que nos esperan neste mes- Rosalía, Entroido,... -, da apertura do anexo da biblioteca para xogos, fixeron a recomendación lectora deste mes 'A balada dos unicornios', de Ledicia Costas e puxeron o booktrailer deste libro que se fixo no club de lectura de 2° ESO. E ademais xa temos quen quere ser pregoeiro para o mes que ven...

NON TE PERDAS O PREGÓN DO XOVES!

E hoxe no recreo volveu tocar...'O pregón do xoves'. De pregoeiros David (5°de Primaria) e Zaira (2° ESO), que tivo que sustituir, encantada, ao seu compañeiro José Antonio. E non é por presumir de voluntariado pero... que ben o fixeron! 

Faláronlle ás compañeiras e compañeiros das actividades que nos esperan neste mes- Rosalía, Entroido,... -, da apertura do anexo da biblioteca para xogos, fixeron a recomendación lectora deste mes 'A balada dos unicornios', de Ledicia Costas e puxeron o booktrailer deste libro que se fixo no club de lectura de 2° ESO. 

E xa temos quen quere ser pregoeiro para o mes que ven... 

MULLERES PIONEIRAS GALEGAS

As alumnas e alumnos 3º e 4º de Primaria estiveron a desenvolver un estupendo Proxecto para favorecer o desenvolvemento do uso de TICS, o crecemento persoal en diversos campos, comprensión, observación, obtención precisa da información, elaboración de resumos, cooperación cos compañeirxs, enriquecemento da nosa cultura,... 

A actividade fundamental foi investigar sobre mulleres galegas pioneiras en algún campo (científicas, xornalistas, deportistas, inventoras...), elixir unha e cumplimentar unha ficha-resumo sobre a súa vida e en que destacou esa muller. Ao final fíxose unha recompilación de todas as pioneiras nun libro de título: ‘Mulleres pioneiras galegas’. Cada alumnx explicou aos compañeiros e compañiras a súa muller pioneira e porque a elixiu.

Esta idea foi concibida co fin de acabar facer un calendario onde en cada mes apareza cada unha das mulleres traballadas. E xa está listo!