Agora que se achegan uns días sen clase nos vos esquenzades de pasar pola biblioteca. "Mete medo" a escolla de libros que vos temos preparados.
Mirade o video... Que? Cal ides ler?
Esperámosvos na biblioteca!
Saúdos de Lectouriña!
Unha lectura para Halloween: 'Otra vuelta de tuerca', de Henry James
E tamén vos deixo unha lectura, unha das que podedes atopar na biblioteca á vosa disposición; é unha historia moi axeitada para pasalo "de medo" na noite de Halloween. Trátase de Otra vuelta de tuerca, do gran autor americano- nacionalizado inglés- Henry James.
A historia ten como protagonista a unha moza, unha institutriz ao coidado de dous nenos nun mansión victoriana. Aparicións, elementos sobrenaturais, mortes en estranas circunstancias... e unha tensión que vai en aumento páxina tras páxina e que che impide soltar o libro.
Saúdos de Lectouriña!
Unha adiviña? (2)
Fóstedes quen de dar coa resposta da primeira adiviña? Podedes lela de novo AQUÍ... Que me dicides? Si? Xa a tendes? Pois veña, aí vai a segunda adiviña deste Halloween...
"Teño unha cabeza redonda, sin nariz nin fronte nin ollos,
e o meu corpiño ten soamente uns dentes moi brancos."
Non digades que non é sinxela esta tamén...
Saúdos de Lectouriña!
Entrade... se vos atrevedes
Aí vai unha de lecturas arrrepiantes para a noite de Halloween...
Saúdos de Lectouriña!
Xa está aquí, xa chegou...
Que si, que si!! Que o Halloween xa chegou á Biblioteca!! Que non me credes? Mirade, mirade....
Saúdos terroríficos de Lectouriña!!
Unha adiviña? (1)
Queredes xogar ás adiviñas? Pois a ver, a ver se adiviñades pola imaxe para que celebración estamos a decorar a Biblioteca... A cousa está doada, non?
Halloween, claro!! Pero esa non era a adiviña; aquí vai, agora si, a primeira destas adiviñas. Recordade que as respostas sempre terán algunha relación con Halloween...
Que cousa é que canto máis intensa se fai menos se ve?
A que xa a sabedes? Seguro que si. Pero se non dades con ela, nos vos preocupedes; na semana que ven sacaremos as respostas de todas as adiviñas propostas...
Saúdos de Lectouriña!
MAXIA NA BIBLIOTECA. A MAXIA DE LER. APERTURA "OFICIAL" DA BIBLIOTECA
Ola, xa estamos de volta, e con ganas de facer xuntos, vós e nós, moitas coas. Así que empezamos!
Entre os pasado xoves para os alumnos e alumnas de Secundaria e hoxe luns, 10 de outubro, para os e as de Infantil e Primaria, fixemos a apertura "oficial" de Biblioteca. MAXIA NA BIBLIOTECA. A MAXIA DE LER, así se titulou esta pequeno acto no que houbo un recordatorio para Roald Dahl, o célebre escritor do que se celebra este ano o centenario do seu nacemento; e houbo tamén exposición de novidades e novas adquisicións, suxestións por parte do alumnado e incluso tivemos tempo para algún número de maxia. Aquí tendes un vídeo con algúns momentos desta actividade. Esperamos que vos guste. :)
E, xa sabes, esperámosvos, Lectouriña tamén, na Biblioteca...
Saúdos de Lectouriña!
Lecturas neste tercer trimestre: 'Dragal. A herdanza do dragón' e 'A rateira'
Ola!
Seguro que queredes saber con que lecturas andamos a voltas nestes últimos meses do curso no club de lectura, verdade? Pois aquí as tedes!
No club e lectura de 1ª e 2º estamos coa lectura de 'Dragal. A herdanza do dragón', de Elena Gallego Abad. Xa o comenzamos a disfrutar e aquí tendes un breve vídeo dun anaquiño dunha das sesións do club comentando os primeiros capítulos ao sol da primavera de Touro,
E seguiremos falando, claro...
E cos maiores? Pois con eles vamos comenzar co misterio que Agatha Christie- a prolífica escritora inglesa- nos ten preparado na novela 'A rateira'. Na pasada sesión falamos do éxito das ininterrumpidas representacións teatrais desta novela no West End de Londres e noutros escenarios do mundo e vimos tamén e comentamos un vídeo sobre a biografía da autora e os misterios da súa desaparición. Queredes velo? Mirade mirade...
Xa vos contaremos noutra entrada como vamos coas pesquisas detectivescas... Ah, e a semana que ven nos vos esquezades de volver por aquí; teremos una sorpresa que estamos a preparar relacionada coa lectura anterior, "Bajo la misma estrella". Deica entón!
Saúdos de Lectouriña!
Día do Libro 2016
Ola!
Como non podía ser menos, no colexio celebramos o Día do Libro por todo o grande, con proposta de lecturas por parte do Equipo de Dinamización e Normalización Lingüística, e actividades varias organizadas polo Equipo de Dinamización da Biblioteca. O resultado podedes velo aquí en imaxes e en vídeos. Esperamos que vos gusten.
Aquí están, por exemplo, os rapaces e rapazas de 1º ESO lendo un fragmento de 'Memorias dun neno labrego', de Xosé Neira Vilas. Poñede os altavoces a todo volume para poder escoitalos ben...
E aquí o vídeo-resumo da exposición que se fixo na biblioteca cos libros traídos por profesoras e profesores do Centro: libros de valor pola súa antigüedade, exemplares de gran valor polo vencello afectivo con eles por motivos varios, libros curiosos, libros raros,... libros e máis libros!
Tamén fixemos un vídeo para amosar as pequenas exposicións- Partes do libro, Historia do libro, Literatura universal- e os elementos literarios cos que decoramos o colexio nestas datas...
E por último a presentación cos gañadores e gañadoras dos Premios Mellores lectour@s deste curso 205/2016. Noraboa!! A biblioteca púxose de festa...
Como vedes foi unha semana moi completa e chea de actividade. E é que no CPI Fonte-Díaz de Touro... encántannos os libros e a lectura!
Saúdos de Lectouriña!
@s lectour@s opinan sobre 'O misterio das badaladas'...
Xa vos contamos que o trimestre pasado un dos grupos do Club de Lectura estivo lendo e disfrutando 'O misterio das badaladas'. Queredes coñecer as súas impresións sobre esta lectura? Sí? Pois aquí as tendes...
Sáudos de Lectouriña!
Ler na primavera, boa idea!
A primavera chegou a nosa bilbioteca... cargada de novas e engaiolantes lecturas.
Achégate!!
E mirade, se hasta a nosa querida mascota se vestiu para a ocasión...
A primavera a Lectoruiña altera!
Día do Teatro
Mañán, 27 de marzo, celébrase, como ben sabedes, o Día do Teatro. E nós na Biblioteca levamos xa todo o mes de celebración.
Decoramos o escenario...
... fixemos un mini teatro de marionetas, do que deron boa conta os nosos alumnos e alumnas contando historietas...
... e, como non podía faltar, fixemos unha escolma de lecturas recomendables para esta data e unha selección de frases e citas célebres de algunhas obras teatrais...
A 'El gran teatro del mundo', que dicía Pedro Calderón de la Barca, podémoslle nós engadir o de... o gran teatro da nosa Biblioteca! ;)
Sorrisos desde a Biblioteca...
Hoxe deixamos por aquí uns sorrisos, algún máis tímido que outros... pero sorrisos o fin e o cabo.
Sáudos de Lectouriña!
O vídeo que faltaba...
Pois iso, que se nos pasara o colgar por aquí o vídeo coas recomendacións do Día da Paz. Nesta entrada e nesta outra puxémosvos algunhas imaxes da celebración na Biblioteca pero non a grabación da pequena exposición. Así que aquí vai, para que vexades ben os libros que seleccionamos para a ocasión e que podedes atopar a vosa disposición na Biblioteca. Ide a por papel e lápiz e a anotar títulos, que os hai ben interesantes...
Sáudos de Lectouriña!
Lendo, escoitando e xogando con Rosalía...
Durante a semana adicada a Rosalía foron varios os xogos propostos na Biblioteca. Mentras unhas compoñían os puzles coas imaxes de Rosalía, outros recompoñían os seus poemas ao tempo que os escoitaban na voz de Uxía, outros e outras preferían recortar as rosas, Rosas para Rosalía... Unha bonita semana de e con Rosalía!!
Sáudos de Lectouriña!
Subscribirse a:
Publicacións (Atom)