Por fin chegou o día, a celebración do Samagosto! O venres 29 de outubro foi a data proposta para que alumnado e profesorado acudisen disfrazados ao cole e hoxe queremos compartir as fotos desta xornada tan festiva e na que houbo disfraces para todos os gustos. Esperamos que vos gusten!
Hoxe queremos compartir con todos vós as actividades porpostas para a celebración do xa tradicional Samagosto. Como en anos anteriores convocáronse distintos concursos en colaboración co EDL:
O Concurso de cabazas de cine:
O club de lectura Lectour@s xa está en marcha!
Durante o mes de outubro colgouse a cartelería que animaba ao alumnado a unirse ao club e a coordinadora pasou polas clases de Secundaria para presentalo e animar ao alumnado á unirse ao mesmo.
Durante o mes de outubro o noso alumnado disfrutou da Maleta naturalista cedida polo CEIDA (Centro de Extensión Universitaria e Divulgación Ambiental). O seu contido, moi variado, resultounos de gran interese, sobre todo as guías de campo de plantas e animais que gozaron de moito éxito. Sen dúbida foi unha gran experiencia.
Xa están en marcha as mochilas e as bolsas viaxeiras deste curso! O alumnado voluntario fixo entrega das mochilas de 1º, 2º, 3º e 4º de primaria e das bolsas de 4º e 5º de infantil aos nenos e nenas que, durante unha semana, disfrutarán nas súas casas das lecturas incluídas nelas. Un curso varias desas lecturas estarán, de algún xeito, relacionados coa temática do curso, neste caso, o cine. Completarán as mochilas unhas libretas nas que o alumndo e as súas familias poderán reflectir as súas impresións sobre o contido das mesmas. Estamos desexando lelas. Esperamos que as disfrutedes!
Esta semana, e coincidindo co Día das Bibliotecas, por fin inauguramos a nosa biblio xa renovada. Queda pendente a cartelería, pero tiñamos moitas ganas de ensinarvos o resultado do traballo destas semanas.
Así, ao longo da semana e nas horas marcadas para a biblio de cada curso de infantil e primaria, o alumnado foi achegándose á biblio. O equipo da biblio foi explicando aos diferentes grupos a nova distribución dos fondos, o protocolo para o acceso á biblioteca, presentando o lema no curso "Un ano de cine" e facendo entrega dos pasaportes lectores para o curso. Foron unhas xornadas moi emocionantes que marcan o comezo das actividades do curso e a volta á actividade da nosa biblio, así que benvid@s, lectour@s!
